У Гродне у 2018 годзе плануецца ўсталяваць 10 пад’ёмнікаў для людзей з інваліднасцю у шматпавярховых дамах. Пра гэта паведаміла сёння начальнік упраўлення па працы, занятасцi i сацыяльнай абароне Гродзенскага гарвыканкама Лілія Санюкевіч, перадае БЕЛТА.
Адно з асноўных пытанняў штодзённага жыцця людзей з інваліднасцю — стварэнне безбар’ернага асяроддзя. Асабліва актуальна гэта ў дачыненні да збудаваных раней будынкаў, як адміністрацыйных, так і жылых.
У гарвыканкаме створана камісія па вырашэнні праблем інвалідаў, разглядаецца кожны іх зварот па стварэнні ўмоў па безбар’ерным асяроддзі. Сумесна з гарадскім ЖКГ гэтыя пытанні ў шматпавярховых дамах, пабудаваных некалькі дзесяцігоддзяў таму, вырашаюцца шляхам ўстаноўкі спецыяльных пад’ёмнікаў.
«Два пад’ёмнікі ўжо змантаваныя. Яшчэ адзін да канца года з’явіцца ў шматпавярхоўцы па вуліцы Таўлая. Распрацоўваецца праектна-каштарысная дакументацыя на ўстаноўку пад’ёмніка ў жылым доме па праспекце Янкі Купалы, — паведаміла начальнік упраўлення. — Ёсць яшчэ 10 зваротаў жыхароў горада па гэтай тэме. На стварэнне безбар’ернага асяроддзя і ўстаноўку пад’ёмнікаў прадугледжана вылучэнне фінансавання у 2018 годзе. Вырашаюцца праблемы не толькі ў жылых дамах. Напрыклад, у цэнтры сацыяльнага абслугоўвання па вуліцы Сацыялістычнай у Гродне быў усталяваны пад’ёмнік».
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…