Напярэдадні святаў у Гродзенскай вобласці правядуць каля 1 тысячы навагодніх выстаў-продажаў і кірмашоў, паведамілі карэспандэнту БЕЛТА ва ўпраўленні гандлю і паслуг Гродзенскага аблвыканкама.
У рэгіёне таксама запланавана больш за 130 дэгустацый, 60 пераднавагодніх распродажаў, каля трох дзясяткаў рэкламных гульняў і акцый. Да Новага года пачнуць працу больш за 150 елачных кірмашоў, 19 з іх у абласным цэнтры.
Зялёных прыгажунь можна набыць з 20−21 снежня, кошт вар'іруецца ад Br4 за елку памерам да 1 м да Br24 за пяціметровае дрэва. Святочныя кірмашы пройдуць ва ўсіх раёнах вобласці. У Гродне традыцыйныя калядныя і навагоднія кірмашы ў гэтым годзе арганізуюць на пляцоўцы каля ГЦ OldCity.
Новае месца, лічаць ва ўпраўленні гандлю і паслуг, зручней як для прадаўцоў, так і для пакупнікоў. Кірмашы будуць арганізаваны 21−22 і 28−29 снежня, а таксама 5 студзеня. Традыцыйна тут будзе прадстаўлена прадукцыя лепшых вытворцаў рэгіёна. Прапрацоўваецца і пытанне арганізацыі навагодніх кірмашоў каля галоўных ёлак ў гарадах.
Больш за 300 аб’ектаў гандлю і грамадскага харчавання ў Гродзенскай вобласці падоўжаць час працы ў перадсвяточныя дні. Забяспечаны яны і неабходным запасам традыцыйных для Новага года прадуктаў. У прыватнасці, у гандлёвых арганізацыях прыгатавана звыш 40 тысяч салодкіх падарункаў, у тым ліку ад беларускіх вытворцаў, яшчэ каля 15 тысяч сфармавана непасрэдна ў крамах. Створаны і запас больш чым 70 тысяч бутэлек шампанскага. Прадстаўлены шырокі выбар ёлачных упрыгожанняў, цацак, штучных елак.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…