Магілёвец Дзяніс Васількоў 15 снежня схадзіў на паказ фільма «Зорныя вайны: Апошнія джэдаі» ў гродзенскім кінатэатры «Усход». І застаўся вельмі незадаволены тым, што ён там убачыў. Пра гэта ён напісаў у сваім facebook-акаўнце.

«Можна дараваць Ералаш перад паказам, сацыяльную „рэкламу“ сінтэтычных наркотыкаў, але ў самым галоўным залажаць гэта проста, — напісаў Дзяніс. — У ніжняй частцы экрана нейкі прыцэл. Я думаў, што гэта ў мяне штосьці з вачыма або штосьці перад праектарам. І не каб устаць і сысці - я ўвесь сеанс прасядзеў каб у канцы паглядзець на экран. І так, ён насамрэч брудны. Цэлая зала людзей, усе глядзяць, усе прывыклі, але халера — гэта ж самае галоўнае, што ёсць у кінатэатры!»

Дзяніс зрабіў некалькі фотаздымкаў, на якіх відаць, што экран ў кінатэатры сапраўды брудны.

"Гэта фіяска, Гродна!" Магілёвец схадзіў у кіно "Усход" і яму не спадабалася


Дзяніс Васількоў не ўпершыню скардзіцца на кінаабслугоўванне. Нядаўна ён пабываў у Мінску і здзівіўся кінапаказу ў Палацы Рэспублікі.