2017 год цалкам можа прэтэндаваць на званне года рэкордна нізкіх коштаў. Так, паводле афіцыйнай статыстыкі, інфляцыя ў снежні склала 4,6%. Год таму гэты паказчык быў 10,6%, два гады таму — 12%. Аднак да еўрапейскай сітуацыі, дзе кошты рэдка растуць хутчэй, чым на 1,5%, нам яшчэ далёка. FINANCE.T*T.Б*Й паглядзеў, якія тавары і паслугі ў мінулым годзе дапамаглі інфляцыі стаць такой нізкай, а якія — перашкаджалі нашаму жыццю таннець яшчэ больш.
Традыцыйна заявы пра тое, што інфляцыя падае, выклікаюць шквал абурэння. Маўляў, за многае плацім усё даражэй, як такое можа быць?! Тлумачэнне простае: у кожнага свой набор тавараў і паслуг. І арыентуемся мы ў ацэнцы падаражэння жыцця менавіта на яго. І калі вы, да прыкладу, не куплялі ў 2017 годзе мужчынскія гальштукі ці не карысталіся гарадскім тэлефонам, то вам усё роўна, што інфляцыя па іх склала 0 адсоткаў.
Затое, паколькі мы кожны месяц плацім за камуналку і кожны дзень ходзім па прадукты, рост коштаў тут для нас будзе адчувальным. Статыстыка ж бярэ сітуацыю ў сярэднім.
У лідарах па росце коштаў - ліфт, яблыкі і бананы
Як мы бачым, у дзясятку самых дарагіх тавараў і паслуг увайшлі шматлікія паслугі ЖКГ, садавіна і гародніна. Прычым садавіна — самыя хадавыя — бананы і яблыкі. З гароднінай тое ж самае. Мабыць, адзіны прадукт, які нельга назваць «народным», гэта ікра. Аднак з улікам таго, што беларусы маюць даўнюю традыцыю на Новы год абавязкова купіць да стала слоічак ікры, атрымліваецца, што і тут інфляцыя адчувальна ўдарыла па нашых кішэнях.
Прадукты ў цэлым падаражэлі на 4,2%, бензін — на 7%, камуналка — на 16,5%, інтэрнэт — 6,5%, сотавая сувязь — 8%.
У 20-цы самых падаражэлых таксама апынуліся такая папулярная паслуга, як падпіска на газеты (тут рост коштаў у першую чаргу адчулі пенсіянеры, якія менш карыстаюцца інтэрнэтам і часцей чытаюць менавіта друкаваныя выданні), страхоўкі на машыны (і калі КАСКО — справа добраахвотная, то «аўтагражданкі» купляе кожны кіроўца).
У лідарах па падзенні коштаў - часнык і смартфоны
У рэйтынгу тавараў, якія патаннелі, не аказалася ніводнай паслугі. А кожны другі дэфляцыйны тавар купляецца відавочна не кожны месяц. Гэта значыць, што зніжэнне коштаў заўважыў далёка не кожны беларус. Напрыклад, многія з тых, хто жыве на сярэднюю зарплату, маглі ў гэтым годзе і зусім не купляць смартфон ці паліто.
Очень многие пожилые уже не в силах самостоятельно ухаживать за собой. Им нужен постоянный регулярный уход и забота. Вам поможет недорогой пансионат престарелых. Здесь ваши близкие люди будут чувствовать себя, как дома. Постоянный уход, медицинские процедуры и грамотно организованный досуг.