Здароўе і спорт

Гродзенскія раварысты адкрылі сезон Кубкам «Тры вярсты»

Першыя ў 2018 годзе спаборніцтвы для раварыстаў прайшлі ў Гродне ў суботу 31 сакавіка. У Пышках на адкрыццё сезону і першы этап Кубку «Тры вярсты» прыехала 47 чалавек.

Гонкі па крос-кантры Кубка «Тры вярсты» праходзяць штогод у Гродзенскай вобласці. У гэтым годзе ў Кубку запланавана 9 этапаў. Арганізатарамі спаборніцтваў з’яўляецца ініцыятыўная група спартсменаў-раварыстаў.

Крос-кантры — гэта спартыўная дысцыпліна і самы папулярны ў свеце від спаборніцтваў па маўнцінбайку. Спартсмены пераадольваюць адлегласці па перасечанай мясцовасці са спускамі і зацяжнымі ўздымамі. Таксама на трасах прысутнічаюць хуткасныя ўчасткі і непраходныя лясныя масівы.

Першы этап для гродзенцаў праходзіў у Пышках, заяўку на ўдзел падалі 47 чалавек. Удзельнікам трэба было пераадолець 8 кругоў па 3 км. Але да фінішу не ўсе даехалі, бо з-за складанасці трасы ў некаторых узніклі праблемы з роварам — яны вымушаныя былі сысці з дыстанцыі. У цэлым удзельнікі задаволеныя стартам сезону і першым этапам Кубка.

«Разам са стартам Кубка „Тры вярсты“ мы адкрылі сезон у Гродне, хоць многія яго і не закрывалі, — распавядае арганізатар гонак Сяргей Нікулін. — Нечакана да нас на першы этап прыехала шмат удзельнікаў - 47. У асноўным гэта мужчыны і падлеткі, дзяўчат было ўсяго 3. Можа гэта і да лепшага, што іх так мала, бо траса сёння была вельмі слізкая і брудная. На старце ў нас было шмат новых асоб, прыехалі нават госці з Ліды».

Наступны этап Кубка «Тры вярсты» пройдзе 20 мая ў раёне «Беларускіх Мальдываў» (Краснасельскія кар’еры каля Ваўкавыск).

Падзяліцца
Меткі: веласпорт

Апошнія запісы

Кіберпартызаны атакавалі «Гродна Азот». Яны выдаляюць дадзеныя, пакуль не вызваляць палітвязняў

На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…

3 мая 2024

Супраць гродзенскага актывіста пачалі спецвытворчасць. У чым яго абвінавачваюць?

Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…

3 мая 2024

Цана сэрвіснага збору ў візавых цэнтрах Гродзенскай вобласці вырасла. Колькі зараз трэба заплаціць?

Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…

3 мая 2024

У Гродзенскай вобласці - найхутчэйшы рост цэн на прадукты. Што стала есці даражэй?

Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…

2 мая 2024

Школьнікі з Гродна наведалі ізалятар і стрым з вязнем гродзенскай турмы

Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…

2 мая 2024

У цэнтры Гродна заканчваюць будаваць буйны офіс для айцішнікаў

У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…

2 мая 2024