У Нецічах пад Лідай ад 18 да 27 чэрвеня будзе працаваць першы ў Гродзенскай вобласці лагер для цяжкахворых дзяцей. Гродзенскі дзіцячы хоспіс запрашае валанцёраў далучыцца да ініцыятывы і дапамагчы аграгізаваць культурную праграму на час адпачынку.
Кожны ў дзяцінстве марыць пабываць у летнім лагеры, знайсці новых сяброў, гуляць і весяліцца. На жаль, не ва ўсіх ёсць такая магчымасць.
Сёлета ўпершыню больш за дзесяць сем’яў, якія знаходзяцца пад апекай Гродзенскага дзіцячага хоспіса ўжо ў гэтым месяцы паедуць у рэабілітацыйны лагер. Яго арганізаваў дзіцячы хоспіс сумесна з дзіцячай паліклініка № 2 г. Гродна, пры падтрымцы дабрачыннага каталіцкага таварыства «Caritas».
Унікальным адрозненнем ад іншых лагераў з’яўляецца тое, што дзеці змогуць прайсці курс абілітацыі, а іх бацькі навучацца навыкам масажу і лячэбнай фізкультуры. Гэта дазволіць падтрымліваць стан цяжка хворых дзяцей у хатніх умовах.
«Мы шукаем валанцёраў, якія дапамогуць разнастаіць культурную праграму. Запрашаем да супрацы прафесійных артыстаў і артыстаў у душы — фокуснікаў, клоўнаў, спевакоў, танцораў, фатографаў», — распавядае псіхолаг дзіцячага хоспіса, Марыя Бразінская.
Задаць усе пытанні і дамовіцца пра ўдзел у працы лагера можна па тэлефону +37 525 6 918 990
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…