Ужо восенню павінны пачацца рамонтныя працы ў будынку чыгуначнага вакзала ў Беластоку. Яны працягнуцца 14 месяцаў. Вакзалу вернуць гістарычны выгляд, а пасажыраў на час рамонту будзе абслугоўваць часовы вакзал.
Гістарычны выгляд вакзал атрымае як звонку, так і ўнутры, расказаў poranny.pl прадстаўнік Польскай чыгункі Томаш Лесь. У інтэр'еры вернуцца адпаведныя гісторычным пліткі на падлозе, металічныя калоны, аздабленне сцен і столяў. Таксама будзе разбураны другі паверх — антрэсоль.
Для зручнасці пасажыраў перанясуць білетныя касы, з’явяцца зручныя ліфты і іншае для людзей з абмежаванай мабільнасцю. Заменяць усе камунікацыі, узмоцняць нясучыя элементы.
А вось як вакзал выглядае сёння (фота Wikimedia Commons i onet.pl):
