Цела нованароджанага знайшлі ў кантэйнеры для смецця непадалёк ад жылых дамоў па вуліцы Гая ў Гродне ноччу, 9 кастрычніка.

Падрабязнасці высвятляюцца: следчыя аглядаюць месца здарэння і апытваюць гараджан. Супрацоўнікі міліцыі праводзяць пакватэрны абыход бліжэйшых дамоў у пошуках маці дзіцяці.

Вядома, што цела нованароджанага было ў пакеце і яго выявіла жыхарка горада, якая пасля паўночы выйшла на шпацыр з сабакам. Пакет быў з жаночымі рэчамі, на дне яго і было цела немаўля.

Жанчына выклікала міліцыю ў 2.30 ночы. Як стала вядома, нованароджаным быў хлопчык, яшчэ з пупавінай і плацэнтай. Судмедэкспертыза ўсталюе калі ён нарадзіўся і ад чаго памёр.

«Не разумею такіх людзей»: суседзі пра гібель нованароджанага ў Гродне.