З 9 студзеня ў Музеі гісторыі рэлігіі адкрыецца выстава «Малюнкі з вуліцы Басняцкай». Яе прадставяць нашчадкі карэннай гродзенскай сям'і Касцюк. Праз войны і разруху яны здолелі захаваць багаты фотаархіў і каштоўныя рэчы, а цяпер гатовыя паказаць іх гродзенцам.
На выставе будзе прадстаўлена 50 фотаздымкаў і 50 рэчаў з жыцця Гродна і гродзенцаў у пачатку і сярэдзіне XX стагоддзя.
«Гэтая выстава будзе цікавая гродзенцам, на ёй мы пакажам не толькі фатаграфіі, якія ўдалося захаваць, але і рарытэтныя рэчы з нашай сям'і, — распавядае Таццяна Чарнышова. — Гэтыя здымкі і рэчы нідзе ўжо не ўбачыш — яны сапраўды ўнікальныя і са сваёй гісторыяй».
Таццяна жыве ў Брэсце, але не забывае пра свае гродзенскія карані. На працягу некалькіх гадоў жанчына запісвала ўспаміны сваёй маці Чарнышовай Веры Фёдараўны, якая дагэтуль жыве ў Гродне. Чарнышовы рыхтуюць да выхаду кнігу з гісторыяй сваёй сям'і.
Адну гісторыю з дзяцінства Веры Фёдараўны мы ўжо публікавалі. А некалькі гадоў таму пажылая жанчына запісала і намалявала ўсё, што памятае пра Тэлеграфную вуліцу, ранейшую Басняцкую, дзе жыла спачатку ў доме № 2, пазней — у доме № 18. На рагу Тэлеграфнай і Ажэшкі, дзе цяпер скверык, да 1941 г. стаялі чатыры дамы, у тым ліку і маленькі рэстаранчык «Зацішша». Дзве бомбы знішчылі і дамы, і людзей. Выжылыя перасяліліся хто куды. У доме цудам ацалела скрыня з фотаздымкамі, малюнкі, дакументы. Многія з іх унікальныя і ніколі не публікаваліся.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…