На Стары Новы год, 12 студзеня, на горкі Каробчыцкага Алімпа выйшлі спартсмены са сваімі сем’ямі. Такі падарунак супрацоўнікам зрабіў спартыўны комплекс «Нёман». Паводле кіраўніцтва установы, гэта добрая нагода не толькі адпачыць разам, але і атрымаць карысную зваротную сувязь ад калег.
Першым сустрэлі гасцей Дзед Мароз са Снягуркай і роставыя лялькі - талісман футбалістаў алень Губі і мядзьведзь. Спевы, танцы і карагоды сталі добрай размінкай перад спартыўнымі забавамі.
Вадзім Ракса працуе інструктарам па спорце і часта заангажаваны ў арганізацыі спартыўных і масавых мерапрыемстваў. Гэтым разам удалося самому паўдзельнічаць у імпрэзе разам з жонкай Таццянай і дзецьмі Валянцінам, Лерай і Максам. Лера і Валянцін услед за татам прыгожа скаралі лыжныя трасы, а мама разам з малодшым каталіся на цюбінгах.
Прафесійнымі лыжнікамі яны сябе не лічаць. Валянцін мае добры досвед гульні ў футбол, а Лера гуляе ў хакей на траве. Сёлета на Алімп сям'і ўдалося выбрацца першы раз. Да гэтага на лыжах дзеці здавалі толькі кросы на ўроках фізкультуры.
А вось сяброўка Леры, 10-гадовая Даша, распавяла, што займаецца лыжамі ўжо 4 гады. За першых паўгадзіны адпачынку яна з’ехала з гары разоў дзесяць. «Нічога складанага ў гэтым няма, я амаль кожны дзень на лыжах. У мяне ёсць свае, праўда, звычайныя, пластыкавыя. Катаюся паўсюль, дзе ёсць горкі».
Ахвотных сагрэцца чакала палявая кухня з гарачым чаем. Падтрымаць спартсменаў і іх сем'і прыйшлі пагранічнікі. А гатаваў асаблівы чай «з дымком» повар Дзмітрый Цімошчанка.
«Мы з усімі сябруем, не адмаўляемся пачаставаць людзей на святах у горадзе ці на спартыўных матчах. Выязджаем і ў раён — былі ў Адэльску і Індуру. Паўсюль ведаюць нашу кашу і адметны чай з дымком».
Кіраўнік спартыўнага комплекса Віктар Шумель кажа, што ў халады на Алімпе быў самы гарачы час. Ад пачатку сезона гродзенскія горкі наведалі ўжо каля 6000 аматараў зімовых забаваў. У будзёныя дні на Алімпе адпачывае каля 300−400 наведвальнікаў, а ў выходныя Алімп прымае каля 1000 чалавек. «Усіх гасцей павіншавалі з Новым годам, зараз можна і нам адпачыць».
Па словах Шумеля, сёлетні сезон ідзе значна прасцей за папярэднія — дапамагае назапашаны досвед. Зараз тут рыхтуюць падаўжэнне адной з горак, дакупаюць абсталяванне, думаюць пра тое, чым яшчэ зацікавіць гасцей. «Многія просяць дадатковых цікавостак — слалам ці трампліны. Простым з’ездам з горкі зараз нікога не здзівіш».
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…