Трэці паверх гандлёвага дома «Нёман» па вуліцы Савецкай, 18 пасля рэканструкцыі ператварыўся ў вялікую буціковую зону. Яе галоўнай «фішкай» стала тое, што там размясціліся гандлёвыя кропкі толькі айчынных кампаній, піша vgr.by.
Да непазнавальнасці змянілася толькі тая частка паверха, якая размешчана непасрэдна пад «Вялікім буфетам». Яе занялі крамачкі выключна беларускіх вытворцаў. За кошт новага асвятлення гандлёвая прастора стала святлей і шырэй.
Пачалі працу монабрэндавыя крамы «Калінка» (адзенне для дзяўчынак і жаночае адзенне), Брэсцкага панчошнага камбіната. Буцік фірмы «Lakbi» прапануе дызайнерскую мужчынскую і жаночую вопратку, а ў краме «Veralli» жанчыны змогуць купіць бялізну. Жаночую вопратку таксама можна сустрэць у буціках такіх брэндаў як «Panda», «Femme» і «Elema». Беларускі трыкатаж размясціўся ў «Katti-a». Купіць мужчынскія кашулі і іншую вопратку можна ў «Eliz» і «Стильмен».
Цэнтральны праход таксама аддалі пад гандлёвыя плошчы: у двух секцыях можна купіць біжутэрыю і касметыку.
Як адзначыў дырэктар ААТ «Гандлёвы дом «Нёман» Аляксей Яўлаш, рашэнне аддаць абноўленыя плошчы толькі беларускім фірмам невыпадковае:
— Праз універмаг праходзіць велізарная колькасць турыстаў, якія змогуць у адным месцы выбраць для сябе тавар і цалкам ацаніць якасць беларускіх вытворцаў.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…