«Вялікая Кніга чэмпіёнаў» раскажа пра біяграфіі вядомых футбалістаў і трэнераў апошняга стагоддзя.
Кнігу напісаў гродзенскі журналіст Вітаўт Руднік, адзін з заснавальнікаў парталу Hrodna.life. Грошы на яе выданне ён збірае на платформе MolaMola.
«26 жніўня мне стукнула 50. У якасці падарунка самому сабе на гэты юбілей я задумаў выданне кнігі, якая павінна стаць вынікам адной з галоўных спраў у маім жыцці. Ужо больш за 30 гадоў у вольны ад журналісцкай і адукацыйнай працы час я займаюся гісторыяй сусветнага футбола», — напісаў аўтар кнігі.
Вынікам гэтай працы стала падрыхтоўка «Вялікай кнігі чэмпіёнаў. 1908−2018 «, піша naviny.by. У гэтай кнізе сабраны некалькі тысяч біяграфічных даведак пра футбалістаў і трэнераў, якія перамагалі ў чатырох самых прэстыжных турнірах нацыянальных зборных каманд: Алімпійскіх гульнях, чэмпіянатах свету, чэмпіянатах Еўропы і Кубку Амерыкі.
Адзіны з ураджэнцаў Беларусі, прадстаўлены ў кнізе — Сяргей Гарлуковіч. Ён стаў Алімпійскім чэмпіёнам у 1988 годзе ў складзе зборнай СССР.
«Гэта сапраўды ўнікальнае выданне, аналагаў якому няма ў свеце, — кажа Вітаўт Руднік. — Цвёрды пераплёт, больш за 600 старонак тэксту з унікальнымі фотаздымкамі, з аўтографам аўтара ўсім, хто падтрымае кампанію. Калі вы хочаце павіншаваць мяне з юбілеем, то ведаеце, за які падарунак у гэтым годзе я буду асабліва ўдзячны».
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…