Гродзенская паэтка Данута Бічэль прэзентавала чытачам зборнік паэзіі «Гускі вяртаюцца» у гродзенскім Цэнтры гарадскога жыцця, піша r**yja.com. Так яна адзначыла свой дзень народзінаў.
Паслухаць і павіншаваць паэтку прыйшло некалькі дзясяткаў гродзенцаў. Па завяршэнні прэзентацыі Данута Бічэль правяла аўтограф-сесію.
— Тут многа вершаў, якія з’яўляюцца працягам таго цыклу хрысціянскіх вершаў-літанняў, вершаў-малітваў. Тут ёсць вершы звяртанні да Быкава, да Туронка, да роднай хаты, да роднай Гаўі. Я калі чытаў гэтую кніжку, асабліва зачапіла пяшчотная нота, — падзяліўся прафесар Аляксей Пяткевіч.
Аўтарка — начны паэт. Вершы для яе прыходзяць запоўнач. Кніга «Гускі вяртаюцца» прасякнутая ідэяй вечнасці, да якой ідуць усе людзі. За два гады, колькі пісалася гэтая кніжка, Данута Бічэль зрабіла тры адкрыцці для сябе:
— Людзі выкарысталі словазлучэнне «блакітная кроў», таму што памяталі, што яны прыходзяць з гэтай вады, з зямлі, і вяртаюцца туды, пра сувязь яны памяталі з зямлёю. Другое маё адкрыццё: душа наша не ў грудзях, яна ва ўсім целе. Трэцяе маё адкрыццё: ніякая інтэграцыя нас не з’есць, нікуды не прападзе Беларусь.
3-га снежня ў аўтарцы паэтычнага зборніка «Гускі вяртаюцца» быў дзень народзінаў. З нагоды выхаду кнігі яе павіншавалі аматары беларускай паэзіі, калегі і прыхільнікі. Дарэчы, вокладку кнігі афармляў гарадзенскі мастак Аляксандр Сільвановіч.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…