Перамовы Аляксандра Лукашэнкі і Уладзіміра Пуціна доўжыліся паўтары гадзіны. Вынікі даверылі агучыць чале Мінэканамразвіцця Расіі Максіму Арэшкін, піша afn.by.
«Мы ішлі ў рамках тых дамоўленасцяў, якія былі дасягнуты ў Сочы. Прэзідэнты далі шэраг указанняў, і мы зрабілі чарговы крок наперад з пункту гледжання ўзгаднення пытанняў. Узгоднены цалкам пытанні ў сферы сельскай гаспадаркі, сувязі, мытні, ўрэгулявання алкагольнага рынку», — паведаміў Арэшкін.
«Беларусь атрымае статус Чачні ці Крыму». Эканаміст Яраслаў Раманчук пра інтэграцыю з Расіяй
«У нас цяпер па выніках сённяшніх перамоў засталося тры групы пытанняў, якія блакуюць фінальныя дамоўленасці. Гэта дамоўленасці ў нафтавай, газавай і падатковай сферы. Тры групы пытанняў, якія засталося вырашыць, каб фіналізаваць ўсе дарожныя карты. Нагадаю, у нас 31 дарожная карта, 3 блокі пытанняў засталіся, якія перашкаджаюць дасягнуць пакетнай дамоўленасці», — удакладніў Арэшкін.
На пытанне, ці будзе і калі будзе новая сустрэча Лукашэнкі і Пуціна, ён не адказаў.
