Увечары 22 снежня гродзенскія іудзеі ўрачыста запалілі на балконе сінагогі ханукальную свячу. Увесь наступны тыдзень яны будуць святкаваць Хануку — адно з важных яўрэйскіх святаў.
Доўжыцца святкаванне восем дзён. Увесь гэты час яўрэі паляць свечкі ў адмысловым свечніку — ханукіі. Колькасць свечак роўная дням свята: у першы дзень гарыць толькі адна, у восьмы — ханукія запоўненая цалкам.
У Гродне па традыцыі галоўную ханукальную свячу запальваюць паважаныя людзі, якім даверылі гэта зрабіць ад імя ўсёй абшчыны. У гэтым годзе да гродзенскага рабіна Іцхака Кофмана далучыўся бізнесмен Уладзімір Зухавіцкі - стваральнік і саўладальнік групы кампаній «ЗОВ». Сям’я Зухавіцкіх шмат гадоў спансуе рамонт сінагогі.
Гродзенскія яўрэі кожны год імкнуцца разнастаіць святкаванне Ханукі. У гэтым годзе акрамя афіцыйнага запальвання свечак прайшло фаер-шоў, быў пачастунак у галоўнай зале, а таксама канцэрт.Пасля святкавання ў сінагозе іудзеі вяртаюцца дадому і запальваюць у сябе свечкі, чытаюць Тору, рыхтуюць ханукальныя стравы, а таксама дораць дзецям падарункі.
Сёння ў Гродне жыве некалькі сотняў яўрэяў.
Ханука — свята свечак, якое яўрэі адзначаюць штогод на працягу васьмі дзён. Свечкі запальваюць у памяць аб цудзе, які адбыўся ў час асвячэння храма пасля перамогі войскаў Іегуды Макавея над войскамі цара Антыёха ў 164 годзе да н.э. Гэтае свята вельмі важнае для яўрэяў, бо сімвалізуе, што вера ў Бога вечная, і ёсць рэчы, у прыватнасці духоўныя, якія нельга ў чалавека адабраць.
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…