Саша Аўдзевіч з Ліды сабраўся ў кругасветнае падарожжа ў 2020 годзе. Наколькі яму вядома, ён першы вазочнік у свеце, які мае намер аб’ехаць зямны шар, піша «Радыё С**бода».
Старт плануецца з Менску 25 сакавіка. Адтуль Саша паедзе ў Кіеў, а потым на ўсход, праз Індыю і Тайланд у ЗША. Дахаты будзе вяртацца праз Заходнюю Еўропу. Маршрут прыблізны і, магчыма, зменіцца. Хлопец разлічвае вандраваць больш за год. У дарозе будзе сам.
Перасоўвацца вазочнік будзе на хэндбайку, тым самым, на якім у 2016 годзе праехаў 4 тысячы кіламетраў па Еўропе. Пры неабходнасці Саша паляціць самалётам або паплыве паромам.
Навошта яму гэтыя прыгоды, Аўдзевіч яшчэ не да канца асэнсаваў.
«Хіба стала сумна. Я не магу цяпер асэнсаваць сваю мэту і расказаць. Калі б мог, то не паехаў бы ў падарожжа, а пісаў бы кнігі і прадаваў», — кажа хлопец.
Адначасова ён хоча сваёй кругасветкай паказаць, наколькі важна, каб у свеце была роўнасць паміж рознымі групамі людзей, у тым ліку людзей з інваліднасцю.
У дарозе Саша плянуе весці відэаблог, праводзіць сустрэчы, наведваць офісы ААН, дзе ён цяпер валанторыць. Ён падкрэслівае, што гэта ягонае асабістае падарожжа, а не піяр-праект, над якім працуе група маркетолагаў.
Пакуль хлопец рыхтуецца ў дарогу. Самае складанае — рыштунак.
«У свеце не існуе прыстасаванняў для падарожжа людзей з інваліднасцю. Ніхто ня верыць, што гэта магчыма. Я сам усё прыдумляю, замаўляю», — расказвае мужчына.
Ён удасканальвае хэндбайк, бо цяпер дыстанцыя будзе значна большая, чым чатыры гады таму. На гэта трэба некалькі тысяч долараў. Багаж разам з вазком будзе важыць каля 20 кілаграмаў.
Мама, якая апякуецца сынам з інваліднасцю, паставілася да задумы скептычна. Сябры ў сацыяльных сетках папярэджваюць пра небяспекі. Але сам Саша дарогі не баіцца.
«Не сказаў бы, што страшна. Адзінае, што халаднавата будзе ўвесну», — кажа ён.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…