Hrodna.life працягвае распавядаць пра цікавыя старыя рэчы, якія захоўваюцца ў жыхароў Гродна. На выхадных да нас у рэдакцыю заходзіў чытач Вадзім Таранка. Ён прынёс вешалку, якую ён знайшоў дома. Калісьці яна належала яго бабулі.
На вешалцы добра бачныя надпісы міжваеннага перыяду. Хутчэй за ўсё, яе купілі ў адной з крам Гродна.
«Вешалка належала маёй прабабулі Яніне Глебавіч, яна была швачкай і працавала дома ў Станіславове. Напэўна, гэтую рэч купіла недзе ў Гродне, як і тканіны, — распавядае Вадзім. — Вешалка доўгі час захоўвалася дома ў шафе, пакуль я не звярнуў на яе ўвагу».
Надпісы на вешалцы:
«Firma Chrześcijańska- POZNAŃSKI DOM ODZIEŻY — właść. — Bernard Michalski — GRODNO — Witoldowa, 17»
Па версіі гісторыка Андрэя Вашкевіча, у Гродне ў міжваенны перыяд знаходзіўся філіял Познаньскага дома адзення, хутчэй за ўсё на вуліцы Вітальдовай, 17 (суч. Сацыялістычная). Менавіта там і купілі вешалку.
«У нашым музеі [Гродзенскі абласны гісторыка-археалагічны музей — рэд.] дзве падобныя. Надпіс „Firma Chrześcijańska“ азначае барацьбу з яўрэйскай гандлем. У міжваенным Гродне нават быў даведнік па хрысціянскіх крамах», — распавёў гісторык.
У інтэрнэце можна знайсці падобныя вешалкі Познаньскага дома адзення з іншых гарадоў сучаснай Польшчы і Украіны: Любліна, Замосця, Луцка, Крамянца.На гродзенскай вешалцы ёсць яшчэ імя — Bernard Michalski. Верагодна, так звалі ўладальніка крамы ў Гродне.
Вешалку з гісторыяй Вадзім пакінуў у рэдакцыі Hrodna.life, у будучыні яна папоўніць калекцыю якога-небудзь гродзенскага музея.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…