Гродзенскі журналіст і краязнаўца Руслан Кулевіч 12 сакавіка правядзе ў Цэнтры гарадскога жыцця (Кірава, 3) воркшоп па зборы ўспамінаў і працы са старымі фотаздымкамі. Ён раскажа, як за тры гады яму ўдалося выпусціць два зборнікі ўспамінаў, а таксама сабраць вялікую калекцыю старых гродзенскіх фатаграфій.
Прыходзьце, калі хочаце навучыцца збіраць і сістэматызоўваць успаміны і асабістыя гісторыі сваіх блізкіх, старажылаў ці цікавых людзей.
Заняткі арганізаваны «Цэнтрам падрыхтоўкі медыяспецыялістаў Медыятрэнер» з Мінска. Воркшопам Руслана Кулевіча пачынаецца шэраг навучальных мерапрыемстваў у рэгіёнах Беларусі.
Руслан Кулевіч раскажа пра тое, як ствараліся яго кнігі - падзеліцца лайфхакамі збору ўспамінаў старажылаў, падыходамі да працы і спосабамі папулярызацыі і захавання вуснай гісторыі. Запрошаны госць сустрэчы — Павел Касцюк, ураджэнец Гродна і гродзенец у пятым пакаленні. Ён падзеліцца вопытам стварэння кнігі сям'і, якую перадаў яму дзядуля.
Руслан Кулевіч — журналіст медыя Hrodna.life. Піша з 2013 года. Пачаў збіраць успаміны карэнных жыхароў Гродна з 2017 года. Аўтар кніг «Горад адзін, успаміны розныя» (2018) і «Гісторыі з гродзенскіх вуліц» (2020). Зараз працуе над трэцім зборнікам успамінаў, а таксама над праектам «Гродзенцы здалёк» (запісвае гісторыі нашчадкаў гродзенцаў, якія з’язджалі з Гродна ў ХХ стагоддзі). Працуе над стварэннем краязнаўчага клуба.
Чытай больш:
На варкшопе мы чакаем гродзенцаў незалежна ад узросту — тых, хто цікавіцца гісторыяй горада і яго жыхароў. Прыходзьце, калі хочаце навучыцца збіраць і сістэматызаваць успаміны і асабістыя гісторыі сваіх блізкіх, старажылаў ці цікавых людзей.
Усе ўдзельнікі лекцыі Руслана Кулевіча змогуць далучыцца да праекта па зборы ўспамінаў жыхароў пасляваеннага Гродна.
Час: чацвер 12 сакавіка,
Месца: Цэнтр гарадскога жыцця, вул. Кірава, 3, Гродна
Пры куплі білета на воркшоп да 9 сакавіка (уключна) кошт складае — 6 рублёў.
Пры куплі білета з 10 сакавіка — кошт 10 рублёў.
Колькасць удзельнікаў абмежаваная.
Дадатковая інфармацыя: па ўсіх пытаннях адносна адукацыйных курсаў і лекцый звяртайцеся на адрас: medyjatrener@gmail.com
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…