У Мінску 21 сакавіка матчам супраць «Іслачы» гродзенскі «Нёман» стартаваў у чэмпіянаце Беларусі па футболе. Каманда Ігара Кавалевіча саступіла гаспадарам у самай канцоўцы сустрэчы.
У першым матчы сезону «Нёман» выйшаў на гульню супраць «Іслачы» наступным складам: Дудар, Кантарыя, Слабашэвіч, Коваль, Якімаў, Ляшко, Стойкавіч, Кадымян, Лягчылін і Марушыч. У параўнанні з мінулым сезонам у старце гродзенскай каманды з’явіліся чатыры новых футбаліста.
«Нёман» добра правёў першы адрэзак матчу: упэўненая абарона і вастрыня ў нападзе былі прыкметныя ў гульні гродзенцаў, але шматлікія фалы на давалі камандам нармальна гуляць. На 43-й хвіліне нападнік «Нёмана» Марушыч атрымаў другую жоўтую картку за фол супраць суперніка і быў выдалены з поля.
Нягледзячы на страту форварда, у самым канцы першага тайма Андрэй Якімаў мог вывесці гродзенцаў наперад, але мяч пасля стандарту трапіў у перакладзіну.
У другім тайме больш актыўна выглядалі ўжо гаспадары. У меншасці «Нёман» добра трымаўся і нават спрабаваў ствараць вастрыню каля варот «Іслачы». Але ў канцоўцы сустрэчы гаспадары ўсё ж такі даціснулі гасцей. На 88-й хвіліне Янсане з-за межаў штрафной паразіў вароты гродзенцаў. Гэты гол і стаў пераможным для «Іслачы».
Галы: 1:0 — Янсане (88, пас — Януш).
Галоўны трэнер «Нёмана» Ігар Кавалевіч пасля матчу:
— Добры матч. Нам супрацьстаяла добрая каманда. План на гульню мы па вялікім рахунку выканалі. Суддзя гульню зламаў. Ні за што пакідаць каманду ўдзесяцёх… Ёсць розныя трактоўкі правілаў. Двайныя, а ў гэтага суддзі патройныя стандарты. Нічога не зробіш. Не хапіла крыху на канцоўку. Не датрывалі. Хоць, калі яшчэ на поле быў Кадымян, у нас атрымліваліся і ў меншасці добрыя атакі. Але ён яшчэ не гатовы гуляць 90 хвілін. Хацелі ўзмацніць абарону і знялі яго з гульні, але, можа быць, і абарону не ўзмацнілі, і наперадзе менш стала атрымлівацца. Да хлопцаў прэтэнзій няма. Гуляючы з добрай камандай, паказалі што маглі.
Свой наступны матч «Нёман» правядзе ў Гродне 29 сакавіка і будзе прымаць «Віцебск», які ў першым туры аказаўся мацнейшым за «Гарадзею».
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…