Гэта не каранцін. Кавярня «AvaCava» адпрацавала апошні дзень 4 красавіка. Пра гэта супрацоўнікі паведамілі ў інстаграме.
Як распавялі ў кавярні, зачыніцца яны вырашылі не спантанна. Планавалі зрабіць гэта ў маі. Але цяпер стала менш кліентаў і спыніць працу вырашылі крыху раней.
Кажуць, месца на Кірава, 3 не самае зручнае для кавярні. Вуліца прахадная, але людзі стараюцца тут не затрымлівацца. Да таго ж, памяшканне занадта вялікае для кавярні - яна хутчэй павінна быць маленькай і ўтульнай. Хоць іх зала для канферэнцый карысталася попытам: і для мерапрыемстваў, і для сумоўяў. Месца на Кірава, 3 больш пасуе для грамадскага харчавання або бара, лічаць у кавярні. Кажуць, на закрыццё паўплывала і вялікая канкурэнцыя: маўляў, у Гродна занадта шмат кавярняў, а яшчэ адкрываюцца новыя.
Ці змогуць супрацоўнікі пасля закрыцця знайсці працу ў крызіс? У кавярні кажуць, што ў кагосьці была другая праца, а вакансій цяпер хапае.
Што будзе на месцы «AvaCava», пакуль невядома. Як і тое, ці адкрыюць уладальнікі новую ўстанову ў іншым месцы.
Кавярня адкрылася ў ліпені мінулага года. У планах было праводзіць моўныя клубы, кінапрагляды, выставы і іншыя цікавыя мерапрыемствы. Тут можна было выпіць кавы, пакаштаваць свежую выпечку ад мясцовых кандытараў, з’есці сняданак.
«AvaCava» была вядомая і тым, што тут праходзілі мастацкія выставы. Арганізатарка Кацярына Петруцый паабяцала, што выставы будуць праходзіць у іншых месцах. Напрыклад, у бары «Третье место».
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…