Існуючыя сусветныя дадзеныя паказваюць, што вірус COVID-19 перадаецца ад чалавека да чалавека праз кроплі, прадметы і блізкі кантакт, з магчымым распаўсюджваннем з фекаліямі, піша n*.by.
Згодна з інфармацыяй, прадстаўленай СААЗ на дадзены момант, целы памерлых ад інфекцыі COVID-19 не з’яўляюцца крыніцай інфекцыі. На сённяшні дзень няма ніякіх сведчанняў таго, што людзі заразіліся ад кантакту з целамі людзей, якія памерлі ад COVID-19.
Існуе распаўсюджаны міф, што людзі, якія памерлі ад інфекцыі COVID-19, павінны быць крэміраваны, але гэта не так. Крэмацыя — гэта пытанне культурнага выбару і даступных рэсурсаў.
Разам з тым, Міністэрства аховы здароўя Рэспублікі Беларусь прымае дадатковыя меры засцярогі з мэтай выключэння нават тэарэтычнай магчымасці заражэння.
Цела памерлага ў моргу праходзіць дэзынфекцыю. Бальзамаванне не рэкамендуецца, каб пазбегнуць празмерных маніпуляцый з целам.
Асобы, памерлыя ад інфекцыі COVID-19, могуць быць пахаваны або крэміраваны, рашэнне прымаецца родзічамі з улікам сямейных традыцый, а таксама апошняга волевыяўлення памерлага.
Пахаванне просяць праводзіць у дзень выдачы цела памерлага.
На цырымоніі развітання з памерлым рэкамендуецца мінімізаваць колькасць прысутных (абмежавацца толькі самымі блізкімі сваякамі), цалкам выключыць дотыку да цела, у тым ліку не цалаваць, захоўваць дыстанцыю не менш за 1 метр ад памерлага, а таксама выконваць правілы сацыяльнага дыстанцыявання.
Прысутнасць дзяцей, дарослых, старэйшых за 60 гадоў, асоб, якія маюць рэспіраторныя захворванні, хранічныя хваробы сэрца, цукровы дыябет ці імунадэфіцыт, па магчымасці, павінна быць абмежавана пры пахаванні.
Цырымонія развітання можа праходзіць як пры адкрытай (пры ўмове выконвання вышэйпералічаных рэкамендацый), так і пры закрытай труне.
Рытуальным службам, якія праводзяць пахаванне, варта надзяваць маскі, а таксама пальчаткі, і мыць рукі з мылам і вадой пасля зняцця пальчатак, калі пахаванне завершана.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…