Гродзенца Андрэя Аліферчыка звольнілі з Міністэрства надзвычайных сытуацый, дзе ён адпрацаваў 22 гады. Акрамя таго, ён мусіць выплаціць працадаўцы 4550 рублёў. Са звальненнем мужчына не пагадзіўся і падаў у суд на Гродзенскі гарадскі аддзел па надзвычайных сітуацыях. 30 верасня ў судзе Ленінскага раёна Гродна праходзіла папярэдняе пасяджэнне.
Андрэю Аліферчыку 42 гады. Працаваў камандзірам аддзяленьня ва ўпраўленьні МНС у Горадні пры прадпрыемстве «Хімвалакно», якое належыць «Гродна Азоту». Сёлета ў жніўні яго звольнілі. Ён мяркуе, што з палітычных матываў, >піша «Радыё С**бода».
Андрэй не дапрацаваў 24 дні да канца кантракту, таму павінен вярнуць працадаўцы 4550 рублёў. Такое ўзнагароджаньне выплачваюць сілавікам з умовай — адпрацаваць увесь тэрмін кантракту.
Сцягі або пажар? Ад чаго ратуюць горад пажарныя Гродна
Як расказаў Аліферчык, ён разам з жонкай увечары 9 жніўня пайшоў на свой выбарчы ўчастак, каб убачыць выніковыя пратаколы. Участак месьціўся ў школе № 39 у мікрараёне Альшанка ў Горадні. Там сабралася каля 10−15 выбарцаў. Людзі размаўлялі паміж сабой, не выгуквалі лёзунгаў, не трымалі сьцягоў ці плякатаў. Неўзабаве прыехалі амапаўцы ў масках.
«Я асабліва не перажываў. Думаў, што я супрацоўнік… Гэты дзядзька скамандаваў: «Гэтага, гэтага і гэтага — у аўтазак». Пятым аказаўся я. Па дарозе я патлумачыў, што я супрацоўнік. Ён паглядзеў маё пасьведчаньне. Паклікаў старшага. Сказаў: «Таварыш маёр, паглядзіце». Той сказаў: «Нехр*** швэндацца каля школы. Усіх у аўтазак», — успамінае Андрэй.
Затрымалі некалькі чалавек, у тым ліку яго з жонкай. Ноч сужэнцы правялі ў ізалятары. 10 жніўня кожнага зь іх асудзілі на 270 рублёў штрафу за ўдзел у несанкцыянаваным масавым мерапрыемстве. Андрэй падпісаў пратакол, нібыта зь ім згодны, бо ў адваротным выпадку яго пагражалі пакінуць на 15 сутак.
Кіраўніцтва горадзенскага МНС прыяжджала ў ізалятар 10 жніўня. Па словах Аліферчыка, яму прапанавалі два варыянты. Першы — звольніцца «па згодзе бакоў». Другі — пачаць службовую праверку, пасьля якой ён можа пазбавіцца сваёй пэнсіі. Да таго ж казалі, што ў начальніка часткі могуць быць праблемы, а сям’ю могуць паставіць у сацыяльна небясьпечнае становішча, бо дзеці ў тую ноч заставаліся дома адны. У Аліферчыкаў двое дзяцей, старэйшы сын паўналетні, малодшая дачка ходзіць у 3 клясу. У ноч з 9 на 10 жніўня яны былі з бабуляй.
Андрэй пагадзіўся напісаць рапарт «па згодзе бакоў». Цяпер кажа, што тады ня выспаўся, кепска цяміў. Па ягоных словах, ён падпісваў дакумэнты 10 жніўня. Па паперах яго звольнілі 7 жніўня, яшчэ да затрыманьня, заяву ж на звальненьне ён нібыта напісаў 4 жніўня.
Андрэй не дапрацаваў да канца кантракту 24 дні. Грошы, якія ён мусіць вярнуць, яму ўжо сабралі праз плятформу «Честные люди». Але ратавальнік хацеў бы аднавіцца на 24 дні на працы і звольніцца ўжо «па сканчэньні кантракту», каб не вяртаць узнагароджаньне. Сабраныя яму грошы ён гатовы перадаць іншым сілавікам, якія аказаліся ў падобнай сытуацыі. Аднак вяртаць ратавальніка на працу ня хоча кіраўніцтва, бо ён сам першапачаткова пагадзіўся на звальненьне «па згодзе бакоў».
За апошнія паўтара месяца Аліферчык зьвярнуўся да свайго дэпутата і да дзяржаўнага прафсаюзу, каб памаглі з аднаўленьнем на працы. У прафсаюзе абяцалі дапамагчы, калі Андрэй здыме зь сябе адміністрацыйную адказнасьць. Ён паспрабаваў абскардзіць штраф за мітынг. Аднак суд пакінуў рашэньне бязь зьменаў.
Яшчэ адну заяву Аліферчык напісаў у суд, каб аднавіцца на працы і спагнаць з МНС сярэдні заробак за час вымушанага прагулу, а таксама кампэнсацыю маральнай шкоды. Аднак 30 верасьня суд Ленінскага раёну Горадні пакінуў справу без разгляду, бо першапачаткова работнік мусіць зьвярнуцца з заявай да свайго кіраўніцтва на працу. Бліжэйшым часам Аліферчык будзе пісаць заяву ў абласное ўпраўленьне МНС.
Андрэй зьдзіўлены, што яго затрымалі толькі за тое, што прыйшоў пад школу. Выніковага пратаколу на тым участку выбарцы так і не пабачылі. Гарадзенец прызнаецца, што пра магчымыя праблемы падумаў яшчэ да таго, як пайшоў пад выбарчы ўчастак. Тады і зрабіў свой выбар.
Пакуль ён не працуе. Кажа, што любіць сваю працу. Калі б сыстэма памянялася, Андрэй хацеў бы вярнуцца туды зноў.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…