У Беларусі раскрылі дзейнасць тэрарыстычнай групы, якая здзейсніла некалькі нападаў у Гродзенскай вобласці, паведамілі на ОНТ.

Сярод дзеянняў, у якіх абвінавачваюць групу, — падпал дома міліцыянта і падрыў аўтамабіля. Мяркуючы па апублікаваным відэашэрагу, гаворка ідзе аб падпале машыны і дома супрацоўніка міліцыі ў Ваўкавыску 2 кастрычніка і выбуху аўтамабіля міліцыянта на Альшанцы 20 лістапада.

Дзеянні невядомых у мікрараёне Альшанка па ўказанні Генеральнага пракурора Рэспублікі Беларусь былі перакваліфікаваныя на ч. 1 арт. 289 КК у тэрарызм. Справу перанакіравалі ў упраўленне КДБ па Гродзенскай вобласці. Невядомым пагражае пазбаўленне волі на тэрмін ад васьмі да пятнаццаці гадоў.

«Удзельнікаў затрымалі. Падчас ператрусу ў доме, дзе хаваўся арганізатар, знайшлі цэлы арсенал. У тым ліку гранаты і выбухоўка», — распавялі на АНТ. Падрабязнасці справы паабяцалі апублікаваць у вячэрнім выпуску навін.

На кадрах відэашэрагу, якія ілюструюць вынікі ператрусу, бачная ўпакоўка ад стартавага пакета ўкраінскага мабільнага аператара.