Сяргей Верамеенка, уласнік крамы 'Адметнасць'. Фота — Васіль Малчанаў
Уладальнік «Адметнасці» Сяргей Верамеенка адказаў на скаргу жыхара Віцебскай вобласці, які ўгледзеў у асартыменце крамы «пранацыскую сімволіку». Адказ Сяргей адправіў ва Упраўленне гандлю і паслугаў Гродзенскага гарвыканкама.
Верамеенка патлумачыў, што «ў краме „Адметнасць“ ніколі не прадавалася і не будзе прадавацца якая небудзь прадукцыя датычная нацызму, альбо іншых экстрэмісцкіх антычалавечных ідэалогій». Акрамя гэтага ён заўпэўніў, што ўсе тавары аформлены належным чынам і маюць усе неабходныя для легальнага продажу дакументы.
Запыт даць тлумачэнні крама сувеніраў «Адметнасць» атрымала 21 красавіка: яго прынес у краму супрацоўнік Упраўлення гандлю гарвыканкама. Нагодай стала скарга на продаж бел-чырвона-белай сімволікі, якую гарадскія ўлады атрымалі ад Аляксандра Кавалёва з вёскі Бігосава Верхнедзвінскага раёна Віцебскай вобласці.
Аляксандр Кавалёў за апошні час напісаў пяць розных скаргаў на бел-чырвона-белую сімволіку, прычым сярод іх ёсць скарга на заўзятара маскоўскага «Спартака». Шмат зваротаў прысвечаныя сэнсу і паходжанню лозунга «Жыве Беларусь!».
Крама «Адметнасць» працуе ў цэнтры Гродна з 2018 года. Яна спецыялізуецца на продажы сувеніраў з гістарычнай нацыянальнай беларускай сімволікай, адзення з арнаментам, рэчаў ручной працы.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…