Гродзенскі Instagram-блогер Фёдар Сумкін (Астаповіч) звольніўся з працы. Пра гэта ён паведаміў 9 верасня ў сваім Instagram. Апошнія дзевяць гадоў ён працаваў у хуткай дапамозе фельчарам.
«Ну што, прыйшла пара адпачыць. Зрабіць паўзу, перарыў. На колькі? Я не ведаю. 9 гадоў. Дзень і ноч я біўся бок аб бок з цудоўнымі (і не вельмі) людзмі. Сотні разоў паказваў фігу кастлявай, часамі выпіваў разам з ёй, праважаючы душы на вечны спачын… Капітан сышоў на бераг каб набрацца моаў. Каб паляжаць у цені і зразумець што рабіць далей», — напісаў Фёдар у сваім Instagram.
Да працы фельчарам Фёдар вучыўся на кухара, два гады быў у манастыры. Сумкін быў адным з самых нефармальных медыкаў у Гродне. У яго ёсць татуіроўка ў выглядзе машыны хуткай дапамогі на руцэ. Апошнія некалькі гадоў гродзенец распавядаў пра сваю прафесію ў Instagram. На момант публікацыі ў Фёдара 15,5 тысяч падпісчыкаў.
«Чым займуся зараз? Пакуль не ведаю. Але вецер і зоркі завуць мяне. Колькі яшчэ прыгодаў наперадзе, колькі бітваў і перамог… Добры пірат вернецца. Не паспееце засумаваць», — напісаў Фёдар.
У студзені 2021 года падчас эфіру Фёдара з падпісантамі ў Instagram падключылася Святлана Ціханоўская, што стала поўнай нечаканасць для гродзенца. Гэты эфір прынёс Фёдару некалькі тысяч новых падпісчыкаў.
Чытайце таксама:
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…