У Гродзенскай вобласці 19 лютага парывы ветру дасягалі 18 м/с. У службу МНС паступіла дзевяць паведамленняў аб падзенні дрэваў. Шэсць з іх упалі на праезжую частку, адно на лінію электраперадач, адно на легкавы аўтамабіль і яшчэ адно на тэрыторыю дзіцячага садка ў Гродне.
Што яшчэ пацярпела ад ветру ў Гродне
Вецер перакуліў навес на прыпынку грамадскага транспарту «Тэатр лялек» на вуліцы Дзяржынскага. Таксама пацярпела канструкцыя са сцягамі на вуліцы Стэфана Баторыя. На Савецкай плошчы вецер пашкодзіў адзін стэнд.
У дварах на вуліцы Вольгі Солавай вецер паламаў дрэвы.
![Без электрычнасці засталося восемь населеных пунктаў. Што моцны вецер яшчэ пашкодзіў на Гродзеншчыне](https://dzh7f5h27xx9q.cloudfront.net/wp-content/uploads/2022/02/Farty-800x550.jpg)
Таксама паламаныя дрэвы заўважылі на вуліцы Гарнавых. А ў дварах на вуліцы Цітова дрэва вырвала з карнямі.
![Без электрычнасці засталося восемь населеных пунктаў. Што моцны вецер яшчэ пашкодзіў на Гродзеншчыне](https://dzh7f5h27xx9q.cloudfront.net/wp-content/uploads/2022/02/Mocny-vecer-1902.6-800x485.jpeg)
На вуліцы Паповіча паламанае ад ветру дрэва пагнула агароджу Сярэдняй школы № 12.
Таксама вецер паламаў дрэвы побач з Гімназіяй № 5.
На вуліцы Вясёлай у раёне «Хімвалакна» вецер разбурыў навес для аўтамабіляў.
![Без электрычнасці засталося восемь населеных пунктаў. Што моцны вецер яшчэ пашкодзіў на Гродзеншчыне](https://dzh7f5h27xx9q.cloudfront.net/wp-content/uploads/2022/02/Mocny-vecer-1902.11-800x494.jpg)
На скрыжыванні вуліцы Белуша і Румлёўскага праспекта вецер разгарнуў светлафор. А на трасе М6, побач з развязкай на Брузгі, вецер сарваў дарожны знак.
Па дарозе ў накірунку вёскі Гібулічы на дарогу ўпала дрэва.
![Без электрычнасці засталося восемь населеных пунктаў. Што моцны вецер яшчэ пашкодзіў на Гродзеншчыне](https://dzh7f5h27xx9q.cloudfront.net/wp-content/uploads/2022/02/Mocny-vecer-1902.14-800x800.jpg)
З-за падзення дрэваў на лініі электраперадач восем населеных пунктаў засталіся без электрычнасці. Для аднаўлення энэргазабеспячэння задзейнічалі дзевяць аварыйных брыгад электрасетак.
У рэгіёне супрацоўнікі МНС дапамагаюць распілоўваць дрэвы і здымаць дэфармаваныя і сарваныя канструкцыі.