Польшча адмяніла каранавірусныя абмежаванні з 28 сакавіка. Каб патрапіць у краіну з-за мяжы Шэгенскай зоны ўжо не спатрэбіцца сертыфікат аб вакцынацыі ці ПЦР-тэст, а па прыбыцці ў Польшчу не трэба будзе праходзіць каранцін. Пра гэта паведаміў Польскі памежны камітэт.
Міністр аховы здароўя Польшчы Адам Нядзельскі 24 сакавіка паведамляў толькі пра адмену самаізаляцыі для тых, хто жыве з хворымі і тых, хто прыехаў з-за мяжы. Акрамя гэтага ў Польшчы з 28 сакавіка адмянілі масачны рэжым у памяшканнях, акрамя медычных устаноў і аптэк.
Абмежаванні на перасячэнне мяжы Беларусі і Расіі знялі з 18 сакавіка. Па прыездзе ў Расію не патрабуецца падстава для ўезду, а таксама ПЦР-тэст альбо сертыфікат аб вакцынацыі.
Таксама гэтая мера дазволіць грамадзянам Беларусі прасцей выязджаць у іншыя краіны транзітам праз Расію. Напрыклад, у Латвію, куды беларускія памежнікі без асаблівай падставы не выпускаюць.
У Літве пакуль плануюць адмовіцца толькі ад абавязковага нашэння масак у памяшканнях, піша Delfi.lt. Гэта павінна адбыцца ў красавіку, паведаміла віцэ-міністр аховы здароўя Літвы Аўшра Білатэне-Матэюнене.
Улады Беларусі 21 снежня 2020 увялі часовую забарону на выезд з краіны праз наземныя пункты пропуску. Афіцыйная прычына — прадухіленне распаўсюду ў краіне COVID-19. Забарона не распаўсюджваецца на асобаў з дыпламатычнымі і служэбнымі пашпартамі, афіцыйныя дэлегацыі, кіроўцаў міжнародных аўтамабільных перавозак, экіпажы паветраных і марскіх судоў, чыгуначныя брыгады, камандзірованых і некаторыя іншыя катэгорыі грамадзян. Выезд з Беларусі дасюль дазволены толькі ў Расію.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…