Замест насаджэнняў, якія вырубілі ў Гродне ў час будаўніцтваў і рэканструкцый, высадзяць новыя. Акрамя таго, горад плануюць упрыгожыць кветнікамі. Пра гэта паведаміў тэлеканал «Гродна Плюс».
Кампенсаваць вырубленыя насаджэнні будуць клёнамі, бярозамі, ясенямі і іншымі дрэвамі.
Таксама ў горадзе плануюць зрабіць кампазіцыі з 30 відаў кветак. Сярод іх петуніі, бягоніі, рэзініі, пеларгоніі. Агулам высадзяць да паўмільёна адзінак кветкавай рассады.
Чытайце таксама: На Ажэшкі спілавалі старыя каштаны. Ці высадзяць замену?
На вуліцы Фамічова ўжо высадзілі 30 новых ліственных дрэваў. Гэта зрабілі прадстаўнікі гарадской інспекцыі аховы прыроды, адміністрацыі Кастрычніцкага раёна і навучэнцы каледжа мастацтваў.
Схему азелянення Гродна распрацавалі ў лістападзе 2021 года. З гарадскога бюджэту на яе выдаткавалі 155 тысяч рублёў. Зараз на кожнага гродзенца прыходзіцца па 15 квадратных метраў дрэў і кустоў, а ўсяго тры гады таму гаворка ішла пра 3,6 квадрата. Да 2030 улады плануюць дасягнуць 22 квадратных метраў зеляніны на чалавека.
Чытайце таксама: Кажуць: «дрэвы», а саджаюць «пруткі». Чаму Гродна дагэтуль не патанае ў парках, і навошта нам схема азелянення
У 2019 годзе большасць абласных цэнтраў не дацягвала да нормы азелянення ў 40%: у Гродне паказчык быў найменшы — 21,3%, у Брэсце — 26%, у Віцебску — 24,6%, Магілёве — 32%. Паказчыкі былі ў норме ў Гомелі (40,7%) і Мінску (41,06%). У 2020 Брэст дасягнуў ужо 45,5% і стаў самым зялёным горадам Беларусі.
Перспектыўны ўзровень азелянення спецыялісты заклалі ў генеральныя планы развіцця гарадоў. Для Мінска гэта ад 30 да 55% у высакашчыльнай і змяшанай шматкватэрнай забудове, ад 30 да 70% - у сядзібнай забудове (да 2030 года); для Брэста — 45,0% (да 2030 года); Віцебска — 43,0% (да 2025 года); Гомеля — 41,0% (да 2025 года); Гродна — 40,3% (да 2030 года); Магілёва — 41,0% (да 2025 года).
Чытайце таксама:
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…