Крыніца: ГООЗЖ "След жизни" - животные Гродно
Супрацоўнікі Гродзенскага міжраённага аддзелу Следчага камітэта высветлілі асобу жывадзёра, які 21 студзеня 2022 года ў лесапарку Пышкі павесіў на дрэве сабаку. Жывёла задушылася, а яе цела задубела на марозе. Гісторыю расказала афіцыйная прадстаўнічка Следчага камітэта Юлія Ганчарова ў эфіры «Радыё Мінск».
Злачынец — 20-гадовы мужчына, які працуе поварам. Яго сяброўка ў снежні 2021 года ўзяла сямімесячнага сабаку ў пункце часовага ўтрымання жывёл у Гродне. Калі дзяўчыне трэба было пераехаць да бацькоў, яна не магла забраць жывёлу з сабой. Яна папрасіла сябра забраць жывёлу.
Падазраваны патлумачыў следчым, што не ведаў, што рабіць са шчанюком. У яго не было магчымасці адвезці жывёлу ў вёску. Паводле яго словаў, назад у пункт утрымання сабаку прымаць адмовіліся. Праўда, высветлілася, што насамрэч ён і не спрабаваў аддаць туды жывёлу. Замест гэтага ён адвез сабаку ў Пышкі, павесіў да ствала дрэва на павадок і сышоў.
Мужчыну прад’явілі абвінавачанне па ч.1 арт.339−1 КК (Жорсткія абыходжанні з жывёлай, якія прывялі да яе смерці, здзейсненыя з хуліганскіх памкненняў). Жывадзёра могуць пакараць грамадскімі працамі альбо штрафам, ці папраўчымі працамі да аднаго году, ці арыштам.
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…