Цэнтралізаванае тэставанне. Ілюстрацыйнае фота. Крыніца: brestcity.com
У 2023 годзе акрамя цэнтралізаванага іспыту абітурыенты змогуць рэгістравацца на тэставанне, а іх бацькі змогуць забіраць сертыфікаты. Замежныя абітурыенты змогуць рэгістравацца на ЦТ праз электронныя сродкі сувязі. Такую пастанову прыняў Савет Міністраў 19 ліпеня 2022 года.
Вучні 11 класаў у Беларусі з 2023 года будуць здаваць два сумешчаных іспыта па прыцныпе ЦТ. Гэта будуць матэматыка і мова (на выбар — беларуская ці руская). Адбывацца такія цэнтралізаваныя іспыты будуць не ў школах. Па краіне будзе каля 100 пунктаў для здачы такога іспыта.
Пасля яго здачы навучэнец атрымае сертыфікат па 100-бальнай сістэме адзначэння. Па спецыяльнай шкале вынік перавядуць у 10-бальную адзнаку, якую выставяць у школьны журнал і па сярэднеарыфметычным прынцыпе вылічаць выніковую адзнаку, якую выставяць у атэстат.
Чытайце таксама: У Беларусі плануюць аб’яднаць ЦТ і выпускныя экзамены
З 2023 навучальнага года абітурыент, які зарэгістраваўся на цэнтралізаваны іспыт, акрамя гэтага можа зарэгістравацца для праходжання ЦТ, але не больш чым па трох прадметах і акрамя матэматыкі і мовы, якія ён здае на цэнтралізаваным іспыце.
Паводле пастановы, замежныя абітурыенты, асобы без грамадзянства і беларусы, якія жывуць у іншых краінах, змогуць накіраваць дакументы для рэгістрацыі на ЦТ праз электронныя сродкі сувязі.
Таксама дакументы для ўдзелу абітурыента ў ЦТ могуць падаць законныя прадстаўнікі, але толькі на падставе даверанасці заверанай натарыусам альбо ўпаўнаважанай службовай асобай. Зараз прадстаўнікі могут падаць дакументы толькі калі абітурыент не можа прыбыць у пункт рэгістрацыі па важнай прычыне, напрыклад з-за хваробы альбо ўдзелу ў міжнародных спаборніцтвах.
Таксама з 2023 года прадстаўнікі абітурыентаў змогуць атрымаць сертыфікат ЦТ і яго дублікат. Зараз гэта можна зрабіць толькі ў выпадку немагчымасці асабіста забраць абітурыентам па важнай прычыне.
Гэтыя змены набудуць моц з 1 верасня 2022 года.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…