У польскім горадзе Слупск памёр гродзенец Караль Калвейт — адзін з герояў кнігі «Гісторыі з гродзенскіх вуліц». Гэта адбылося ў ноч з 26 на 27 верасня, паведаміў на сваёй старонцы ў Facebook Руслан Кулевіч.

Памёр "першы хуліган з Гродна" гродзенец Караль Калвейт - адзін з герояў кнігі Руслана Кулевіча
Караль Калвейт у 2019 годзе. Фота: Hrodna.life

«Сёння ноччу не стала нашага дарагога сябра, гарадзенца Каралья Калвейта. Яму было 93 гады! Тры тыдні таму мы былі ў Караля ў Слупску. Гаварылі пра родны Гродна, 1939 год, прыгожых гарадзенак і шмат іншага. Мы хацелі разам вярнуцца ў наш горад. Ужо тады я разумеў, што гэта магчыма апошняя наша сустрэча… Караль прасіў застацца на пару дзён, а ў мяне заўсёды не было часу… Караль быў патрыётам Гродна і сапраўдным гарадзенцам! Буду памятаць гэтага заўсёды маладога, „першага хулігана з Гродна“, яго Гертруду, баторувку і дом па вуліцы Паўночнай, дзе мешкал Караль Калвейт», — напісаў Руслан Кулевіч на сваёй старонцы ў Facebook.

Памёр "першы хуліган з Гродна" гродзенец Караль Калвейт - адзін з герояў кнігі Руслана Кулевіча
Караль (злева) з сябрам, 1940-я гг. Фота: Hrodna.life

Хто такі Караль Калвейт

Караль Ігнацьевіч Калвейт нарадзіўся ў Граеве (Польшча) ў 1929 годзе. У Гродна з бацькамі пераехаў у 1933 годзе. Пасля вайны рэпатрыяваўся ў Польшчу. Першае знаёмства Караля з Гроднам было звязана з вуліцай Цмэнтарнай (cуч. 4-ы Падольны завулак) паміж старымі праваслаўнымі і каталіцкімі могілкамі. Яго сям’я жыла там у драўляным доме, недалёка быў Нёман. Бацька Караля быў польскім афіцэрам, ротмістрам. Маці Караля працавала краўчыхай на вуліцы Ерусалімскай. Неўзабаве сям’я перасялілася ў дом побач з гарадскім тэатрам.

Чытайце таксама: «Не рускія людзі былі ворагамі, а савецкая ўлада». Яшчэ адна частка з кнігі «Гісторыі з гродзенскіх вуліц»