Пасля адкрыцця пантоннай пераправы на Новым мосце дэмантавалі нізавую частку парэнчаў. Іх разабралі і вывезлі з аб’екта. Далей плануюць прыбраць тратуары, паведаміў тэлеканал «Гродна Плюс».
![Рамонт Новага моста ў два разы складаней за Румлёўскі. Ужо дэмантавалі частку парэнчаў, на чарзе тратуары](https://dzh7f5h27xx9q.cloudfront.net/wp-content/uploads/2022/11/most-800x450.jpg)
Паралельна дэмантажу працоўныя свідруюць адтуліны пад умацаванне маналітнай пліты. Акрамя гэтага, спецыялісты плануюць падняць балкі і нацягнуць пучкі [арміраваная металічная звязка — Hrodna.life]. Пасля працоўным трэба будзе заманаліціць пралётную пабудову, каб умацаваць нясучую канструкцыю.
На Новым мосце працуюць каля 60 чалавека. Паводле словаў працоўных, рамонт Новага моста ў два разы складаней за працы на Румлёўскім.
Калі пачалі рамантаваць Новы мост
Новы мост на вуліцы Паповіча цалкам закрылі для транспарту з 23 верасня. Пешаходны рух па мосце пакінулі, а на абодвух берагах Нёмана арганізавалі часовыя прыпынкі грамадскага транспарту. Ён даязджае да моста і разварочваецца. Для гараджан арганізавалі пантонную пераправу праз Нёман.
Чытайце таксама: