Фільм ГДР Гродна 2022
У Гродне 24−25 сакавіка працягнуць здымаць фільм «ГДР». Сярод гродзенцаў шукаюць актораў масавых сцэн, паведаміў NewGrodno.by.
Для здымак шукаюць людзей з «нямецкай знешнасцю» ад 18 да 55 гадоў. Што азначае «нямецкая знешнасць» — не тлумачыцца. Мужчыны павінны быць ростам да 1,9 м, насіць адзенне не больш за 54 памер. Жанчыны павінны быць ростам не вышэй за 1,75 м, памер адзення — не больш за 50. Таксама шукаюць дзяцей 7 — 10 гадоў ростам 1,2 — 1,5 м.
Тыя, хто жадае зняцца ў кіно, павінны выслаць зяўку ў Viber на нумар +375 298 872 064 (Анастасія). У заяўцы трэба напісаць: прозвішча, імя і імя па бацьку, узрост, рост, памер адзення і абутку. Таксама трэба адправіць свежыя фотаздымкі ў поўны рост, без галаўных убораў і акуляраў. Калі быў вопыт здымак, то варта пазначыць, дзе і кім.
Здымаць шпіёнскую драму «ГДР» на частцы вуліцы Ажэшкі і на Замкавай у Гродне пачалі 16 лістапада 2022 года. Тады здымкі цягнуліся тры дні - да 18 лістапада. Здымачная група прыязджала з Расіі. Тады масоўку шукалі таксама сярод гродзенцаў.
Для здымак Гродна пераўтварылі ў адзін з усходненямецкіх гарадоў канца 1980-х гадоў. Вывескі кафэ і рэстаранаў замянілі нямецкімі назвамі. На вуліцы паставілі газетныя кіёскі, тэлефонныя будкі і слупы афіш, прывезлі старыя нямецкія аўтамабілі, а карту Гродна завесілі партрэтам Карла Маркса.
Падзеі ў серыяле адбываюцца на мяжы 1980-х — 1990-х гадоў падчас сутычкі за архівы Міністэрства дзяржбяспекі ГДР (Штазі). Галоўны герой серыяла — савецкі разведчык Аляксандр Нячаеў. Ён апынуўся ў цэнтры аперацыі, якую арганізавалі спецслужбы заходніх краін.
У Берліне адбываюцца мітынгі і пратэсты, людзі патрабуюць аб’яднання ФРГ і ГДР. Гэта прыцягвае супрацоўнікаў спецслужбаў розных краін свету. Іх галоўная цікавасць — дакументы Штазі з дасье на сусветных палітыкаў, дадзенымі аб агентурнай сетцы і іншымі сакрэтамі.
Здымаць серыял пачалі ў кастрычніку 2022 года. Вытворчасцю фільма займаюцца «Всемирные русские студии» пры саўдзеле тэлекампаніі НТВ. Сам фільм павінны выпусціць на расійскіх стрымінгах восенню 2023 года. На НТВ яго плануюць паказаць вясной 2024 года.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
