Заснавальніца гродзенскага рэкламнага агенцтва «На ура» і спа-салона «Honey Day» прадставіць Еўропу на конкурсе прыгажосці Mrs Globe. Ён пройдзе 20−25 чэрвеня 2023 года ў ЗША.
«Я лячу ў Амерыку! Як я ўжо паведаміла ў сторыз, амерыканскае пасольства ўхваліла маю візу, у чэрвені я лячу на самы яркі і прэстыжны конкурс Mrs Globe — для таго, каб прадставіць на ім Еўропу! Сплю і бачу. Мару. Рыхтуюся. Трымайце за мяне кулачкі», — напісала Глумакова ў Facebook.
Лане — 41 год. Яна бізнэсвумэн, замужняя маці дваіх дзяцей. У кастрычніку 2022 года Лана стала найпрыгажэйшай замужняй жанчынай Еўропы па версіі конкурсу «Mrs. Europe Globe». У 2020 годзе Лана Глумакова прадставіла Беларусь на конкурсе «Mrs Globe», была фіналісткай конкурсу «Місіс Свету Беларусь 2018». З’яўляецца суарганізатарам дабрачыннага праекта «Хвалі Дабрані».
Mrs Globe — Міжнародны конкурс прыгажосці для замужніх дзяўчат. Праводзіцца штогод з 1996 года. У ім перамагалі бізнес-лэдзі, мадэлі і хатнія гаспадыні.
Зараз на сайце ідзе электроннае галасаванне. За $ 10 можна прагаласаваць за вашага кандыдата. Сродкі перададуць у дабрачынны фонд Women In Need Foundation. Пераможца віртуальнага галасавання аўтаматычна атрымае месца ў якасці фіналісткі і атрымае тытул Mrs. Globe Choice of the People.
Чытайце таксама: «Тытул прыцягне ўвагу да праблем». Гродзенка прадставіць Беларусь на конкурсе прыгажосці для замужніх жанчын
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…