Сейсмалагічная дыяграма. Крыніца: depositphotos
Пра землятрус у Гродзенскай вобласці магнітудай 4,2 бала (з 12 магчымых) паведаміў Еўрапейска-Міжземнаморскі сейсмалагічны цэнтр са спасылкай на Патсдамскі цэнтр імя Гельмгольца. Але, як высветлілася, землятруса насамрэч магло і не быць.
Эпіцэнтр землятруса быў у Навагрудскім раёне, у 28 км на паўднёвы ўсход ад Ліды і ў 21 км на паўночны захад ад Навагрудка. Глыбіня залягання — каля 10 км, з-за гэтага на паверхні зямлі ён мог не адчувацца.
У Беларусі землятрус не зафіксавалі. «Адзіная краіна, якая зафіксавала гэтую з’яву, — Германія, служба „Геафон“. Ніводная іншая краіна пра гэта нічога не сказала, і беларускія сейсмалагічныя станцыі не зарэгістравалі гэтую з’яву», — сказала загадчыца аддзела апрацоўкі і аналіза дадзеных маніторынга Цэнтра геафізічнага маніторынга НАН Беларусі Таццяна Аронава. «Мы паглядзелі ўсе запісы на нашай тэрыторыі і іншых краін — гэтых звестак няма нідзе. Альбо гэтая інфармацыя памылковая, альбо размешчана спецыяльна, каб увесці ў зман грамадства».
На сайце Патсдамскага цэнтра Гельмгольца, які зафіксаваў землятрус, пазначана, што параметры землятруса акрэсліваюцца аўтаматычна. Без праверкі геафізікам дадзеныя могуць быць памылковымі.
Усяго на тэрыторыі Беларусі было дзевяць землятрусаў. Чатыры з іх — гістарычныя (запісаныя са слоў жыхароў), пяць — інструментальна зарэгістраваныя. Самымі адчувальнымі былі землятрусы ў 1940-м, 1977-м і 1986-м гадах. Тады землятрусы адбываліся ў Румыніі. Ачаг быў зарэгістраваны ва Усходніх Карпатах, а хвалі даходзілі да Беларусі. У 2004 годзе да Беларусі дайшлі хвалі землятруса, які адбыўся ў Калінінградскай вобласці.
Землятрусы, якія зарэгістравалі прылады, адбываліся ў Салігорскім горнапрамысловым раёне.
Беларусь знаходзіцца ў заходняй частцы Усходнееўрапейскай платформы, якая з’яўляецца стабільным і нерухомым месцам. Таму Беларусь знаходзіцца ў зоне слабай сейсмічнай актыўнасці.
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…