Навіны

Асабістыя дадзеныя кліентаў «Востраў чысьціні» зноў злілі ў інтэрнэт. Чым гэта пагражае і як абараніцца

Асабістыя дадзеныя кліентаў інтэрнэт-крамы «Востраў чысьціні і смаку» злілі ў сетку паўторна. На продаж выставілі дадзеныя больш як 730 тысяч карыстальнікаў. Папярэдні раз пра ўцечку дадзеных кліентаў гэтага брэнда паведамлялі восенню 2022 года — тады яна была ў пяць разоў меншай.

Новая ўцечка дадзеных адбылася ў выніку несанкцыянаванага доступу да інфармацыйнай сістэмы ПГУП «ЗахадХімТорг» (кампанія-уладальнік брэнда «Востраў чысьціні і смаку»), паведамілі ў Нацыянальным цэнтры абароны персанальных дадзеных.

Пра папярэдні «зліў» дадзеных кліентаў гэтай крамы стала вядома восенню 2022 года. Тады ў інтэрнэт трапіў файл з больш чым 148 тысячамі запісаў аб кліентах за перыяд з 1 жніўня 2020 па 31 ліпеня 2021. Там былі іх прозвішчы, імёны, імёны па бацьку, адрасы, нумары тэлефонаў і e-mail.

Праз гэтую ўцечку Цэнтр абароны персанальных дадзеных ужо праводзіў пазапланавую праверку «ЗахадХімТорг». Пры гэтым патрабаванне па мерапрыемствах для тэхнічнай і крыптаграфічнай абароны персанальных дадзеных кампанія не выканала. Гэта і стала перадумовай для паўторнай уцечкі, упэўненыя ў прэс-службе ведамства.

У Гродне працуе 20 магазінаў «Востраў чысціні і смаку».

На днях стала вядома пра ўцечку дадзеных больш чым 220 тысячах карыстальнікаў інтэрнэт-крамы дзіцячых тавараў buslik.by.

Чытайце таксама: Беларусы і сеціва: колькасць інтэрнэт-карыстальнікаў знізілася, TikTok выйшаў на першае месца

Чым небяспечная ўцечка дадзеных

Рызыкі парушэння прыватнасці з’яўляюцца пры ўдзеле ў праграмах лаяльнасці гандлёвых сетак (напрыклад, рэгістрацыя зніжкавай карткі крамы — Hrodna.life), нагадваюць у цэнтры абароны дадзеных.

Такая інфармацыя — прозвішча, імя, адрас электроннай пошты і нумар мабільнага тэлефона — можа дазволіць атрымаць несанкцыянаваны доступ да ўліковых запісаў чалавека.

У чэрвені 2023 года зламыснікі атрымалі доступ да асабістага акаўнта ў сацыяльнай сетцы ўдзельніка праграмы лаяльнасці, выкарыстоўваючы такія дадзеныя з базы адной з гандлёвых сетак, «злітай» у інтэрнэт. Ад яго імя яны размясцілі заклік аб тэрміновым зборы грошай нібыта на лячэнне блізкага чалавека, а сабраныя грошы прысвоілі.

Каб абараніць свае персанальныя дадзеныя, трэба:

  • выкарыстоўваць надзейныя і ўнікальныя паролі для кожнай ўліковага запісу,
  • рэгулярна іх абнаўляць,
  • выкарыстоўваць дадатковыя спосабы абароны, напрыклад, двухфактарную аўтэнтыфікацыю.

Чытайце таксама: Што рабіць, каб не скралі канал у Telegram. Правілы кібербяспекі ад Hrodna.life

Падзяліцца

Апошнія запісы

Сцяг Перамогі над драмтэатрам, каша ў кубачках і сплаў з партрэтамі. Як Гродна адзначыў Дзень Перамогі

Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…

10 мая 2024

Новы экстрым у Гродне: каля гандлёвага цэнтра катаюць на дрыфт-трайках

Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…

9 мая 2024

Да двух сутак. Як беларусы стаяць у чэргах на мяжы 9 траўня

У пачатку вялікіх выхадных у Беларусі чэргі на мяжы зноў выраслі - на гэты раз…

9 мая 2024

Нешта пайшло не так: у Гродне закрываюць бар VIP, які толькі адкрыўся

У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…

9 мая 2024

Краму «АвтоЗапчасти» ў Гродне зноў хочуць збанкруціць. Гаспадар скардзіўся на АМАП

Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…

8 мая 2024

На літоўска-беларускай мяжы затрымалі два Tesla Cybertruck: падазраюць, што іх везлі ў Расію

Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…

8 мая 2024