Фота: myrealtor.by
Перапланаваную савецкую кватэру з новым рамонтам у крокавай даступнасці да гістарычнага цэнтра прадаюць у Гродне. Яе фішка — утульны кухонны куток смарагдавага колеру.
Кватэра кампактная — усяго 44 кв.м. Першапачаткова яна была трохпакаёвай, але ўладальнікі правялі ўзаконеную перапланіроўку. Цяпер у кватэры два пакоі, а кухня аб’яднана з гасцёўняй. Падчас рамонту залілі сцяжку, замянілі ўсю электрыку і сантэхніку, усталявалі новыя лічыльнікі і газавую калонку з сігналізатарам бяспекі.
На кухні ўстаноўлена імпартная тэхніка: варачная панэль, духавая шафа, посудамыйная машына, выцяжка, убудаваны халадзільнік. На падлозе ва ўсёй кватэры выкладзены ламінат. Падваконнікі і стальніца на кухні выкананы з масіва дуба. З масіва зроблены і ложкі з артапедычнымі матрацамі ў спальных пакоях.
Сумешчаны санвузел абліцаваны пліткай, усталявана прасторная душавая кабіна, пральная машына LG.
Перапланаваная кватэра знаходзіцца на трэцім паверсе цаглянага пяціпавярховіка 1962 года па вул. Горкага. Побач стадыён «Нёман», Грандзіцкі рынак, медуніверсітэт, кінатэатр «Космас». Да гістарычнага цэнтра — 15−20 хвілін пешшу.
Прадаўцы сцвярджаюць, што суседзі ў доме — спакойныя і добразычлівыя.
Цана кватэры — $ 59 900.
Глядзіце таксама: У Гродне можна купіць двушку з яркімі акцэнтамі і вялікім ванным пакоем
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…