Фота ілюстрацыйнае: Aleksandar Cvetanovic, unsplash.com
На Новы год беларусы змогуць добра адпачыць: нас чакае чатыры выхадныя дні запар, з 30 снежня (субота) па 2 студзеня (афіцыйны выхадны пасля Новага года). Паглядзелі, якія яшчэ выхадныя будуць у 2024 годзе.
Вялікія выхадныя ў 2024 годзе будуць яшчэ два разы. У траўні беларусаў чакаюць чатыры выхадныя дні запар: з 11 па 14 траўня (субота-аўторак). Працоўны дзень перад Радаўніцай з панядзелка, 13 траўня, перанеслі на суботу, 18 траўня. Пятніца, 10 траўня, пры гэтым засталася працоўнай.
У лістападзе выхадныя будуць з 7 па 10 лістапада (чацвер-нядзеля). Працоўны дзень з пятніцы,
8 лістапада, перанеслі на суботу, 16 лістапада.
Праваслаўнае Раство 7 студзеня і так прыпадае на нядзелю — дадатковага выхаднога не будзе. 8 сакавіка ў 2024 годзе будзе ў пятніцу, таму можна планаваць тры дні адпачынку.
Таксама выхаднымі ў 2024 годзе будуць 1 траўня — Дзень працы (серада), 9 траўня — Дзень Перамогі (чацвер), 3 ліпеня — Дзень незалежнасці Рэспублікі Беларусь (серада) і 25 снежня — каталіцкія Каляды (серада).
Графік пераносаў працоўных дзён у траўні і лістападзе апублікаваны ў афіцыйным канале ўрада Беларусі. Адпаведную пастанову падпісаў прэм’ер.
Чытайце таксама:
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…