Дырэктара дзіцяча-юнацкай спартыўнай школы па футболе «ФК «Смаргонь» Дзяніса Лобана арыштавалі на сем сутак за падпіску на Tribuna.com у Instagram.
Мужчына быў падпісчыкам інтэрнэт-супольнасці Tribuna ў Instagram. Старонка ў яго была адкрытай. На тэлефоне ў яго знайшлі прадукцыю суполкі і лагатып.
Справу разгледзелі 17 студзеня ў судзе Смаргонскага раёна. Мужчына прызнаў віну — гэта палічылі змякчальнай акалічнасцю. Суд прызначыў яму сем сутак арышту з канфіскацыяй тэлефона.
Дзяніс Лобан узначаліў школу ў 2023 годзе. У мужчыны — двое дзяцей 17 і 14 гадоў.
Каналы спартыўнага медыя «Tribuna.com Беларусь» прызнаў экстрэмісцкімі матэрыяламі суд Чыгуначнага раёна Віцебска 6 жніўня 2021 года. Сайт распавядаў пра пратэсты 2020 года і публікаваў меркаванні пра іх вядомых спартоўцаў. Цяпер вылучыў рубрыку «Вайна», дзе распавядае пра вайну ва Украіне. Аўдыторыя партала — мільён чалавек у месяц.
Чытайце таксама: Жыхарка Зэльвы паскандаліла з сынам і трапіла ў міліцыю. Там знайшлі экстрэмісцкую падпіску
