Самалёт Ан-30, які разбіўся ў Расіі. Крыніца: zapsib-sut.sledcom.ru
Больш за 760 тысяч рублёў павінна атрымаць «Авіякампанія Гродна» за самалёт, які разбіўся ў Расіі ў чэрвені 2022 года. Пра гэта паведаміла Генеральная пракуратура Беларусі.
Іск у суд падавала пракуратура Гродзенскай вобласці. Яна хацела спагнаць шкоду для «Авіякампаніі Гродна» з контрагента з Расіі, якія арандаваў самалёт Ан-30 для камерцыйных перавозак.
Самалёт гродзенскай авіякампані Ан-30 22 чэрвеня 2022 года ляцеў па маршруце Якуцк — Аленек. На борце было сем членаў экіпажа і 6,3 тон грузу. Самалёт не прыбыў у пункт прызначэння, бо ў яго скончылася паліва і ён здзейсніў вымушаную пасадку ў лесе.
У выніку яго адшукалі ў 17 км ад аэрапорта Аленек у якуцкай Рэспубліцы Саха. Усе члены экіпажа выжылі, але тры чалавекі атрымалі цялесныя пашкоджанні. Самалёт атрымаў тэхнічныя пашкоджанні і аднавіць яго было немагчыма.
Гэты самалёт эксплуатавалі з 1978 года. Яго апошні аператар — навукова вытворчае прадпрыемства «Мир».
У лістападзе 2021 года грузавы самалёт Ан-12 «Авіякампаніі Гродна» разбіўся пад Іркуцкам. Самалёт перавозіў прадукты, на борце было сем чалавек, сярод іх адзін гродзенец — усе загінулі.
Катастрофа прынесла не толькі чалавечыя страты і страту тэхнікі. Пасля «Авіякампанія Гродна» яшчэ прайграла суд Дарожнай службе Іркуцкай вобласці. Суд прызнаў яе віннай 45,3 тыс. рублёў за дастаўку грузаў і спецтэхнікі да месца крушэння самалёта.
З-за пазыкаў «Авіякампанія Гродна» распрадавала свае самалёты. У 2020 годзе ў кампаніі было 16 самалётаў: Ан-30, Ан-32, тры Ан-12, а таксама 11 самалётаў Ан-2. У 2023 годзе кампанія прадала ў Расію Ан-32, а таксама тры самалёты Ан-2.
Таксама ў кампаніі былі складанасці з атрыманнем пазыкаў. Напрыклад, кампанія «Пскоўавія», прызнаная банкротам, была вінна гродзенцам 253 тыс. рублёў. Яшчэ «Гродна» былі вінныя грошы некаторыя калгасы.
У студзені 2024 года стала вядома, што авіякампанію рэарганізуюць і далучаць да «Белавія».
Чытайце таксама: 16 суднаў. Якімі самалётамі валодае авіякампанія з Гродна
Жыхарка Астраўца апублікавала ў "Аднакласніках" сумеснае фота палюбоўніцы з яе мужам. У подпісе да фота…
На шклозаводзе "Нёман" у Бярозаўцы прайшлі затрыманні. У Гродне за падпіскі ў Telegram судзілі непаўналетнюю.…
Адзінаццацігадовая дзяўчынка, якая пацярпела на лідскім атракцыёне, знаходзіцца ў Лідскай цэнтральнай раённай бальніцы. Яе шпіталізавалі…
Гродзенцы Зміцер і Вольга Фурманавы адкрываюць у цэнтры Вільні краму і творчую прастору "Kropka". Там…
Тры новыя тралейбусы з запасам аўтаномнага ходу да 20 км ужо паступілі ў Аўтобуснае ўпраўленне…
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…