Гульня: ці памятаеш ты сцягі раёнаў Гродна?

Тры гады таму па ўсёй Беларусі ў гарадах пачалі арганізоўвацца раённыя чаты. Улады вельмі спалохаліся гэтай з’явы, якая дапамагала беларусам самаарганізоўвацца. Дзякуючы такім чатам у розных раёнаў пачала з’яўляцца свая сімволіка на аснове бел-чырвона-белага сцяга. Сцягі для розных раёнаў малявалі і ў Гродне. І нават значкі такія вырабілі - і гродзенцы іх ахвотна насілі.

Мы сабралі 10 сцягоў гродзенскіх раёнаў - і прапануем вам згуляць у папулярную гульню Memory. Спачатку вы на 10 секунд зможаце пабачыць лагатыпы розных раёнаў і іх назвы. Потым карткі перавернуцца — і вам трэба будзе адшукаць пары «лагатып+назва». Некаторыя сімвалы будуць відавочныя, а пра некаторыя трэба будзе напружана падумаць.

Большасць сцягоў, якія мы выкарысталі ў гэтым тэсце, прыдумаў гродзенец Ян. Ён прадставіў іх у верасні 2020 года ў тэлеграм-канале «Haradzenski». Частка сцягоў - іншага аўтарства, яны з’яўляліся ў розных раённых чатах восенню 2020 года. Мы тады пісалі пра розныя сцягі.

Чытайце таксама: Пярэселка, Шанхай і Палестына — карта «народнага» раянавання Гродна