У бальніцы хуткай медыцынскай дапамогі (БХМД) ў Гродне з 1 траўня павінны былі пачаць аказваць платныя паслугі ў выхадныя дні. Гэта адбываецца ў межах дзяржаўнага эксперыменту. Але самой бальніцы інфармацыю пра гэта «не даводзілі», расказалі там карэспандэнту Hrodna.life. Мы паспрабавалі даведацца, якія платныя паслугі можна атрымаць у выхадныя.
У Беларусі пачаўся эксперымент: у дзяржаўных установах аховы здароўя медыцынскія паслугі звыш аб’ёму гарантаванай дзяржавай бясплатнай дапамогі будуць аказваць платна па выхадных. У Гродне месцам такога эксперыменту выбралі гарадскую клінічную бальніцу хуткай медыцынскай дапамогі. Эксперымент мае працягнуцца з 1 мая 2022 да 1 мая 2023, напісана ў Пастанове Савета міністраў.
Карэспандэнтка Hrodna.life патэлефанавала ў аддзяленне платных медыцынскіх паслуг БХМД як патэнцыйны пацыент. «Інфармацыю аб аказанні платных паслуг нам не даводзілі», — адказалі ёй і 3, і 6 траўня.
Платныя паслугі ў выхадныя, згодна з Пастановай урада, павінны адносіцца да «планавай першаснай, спецыялізаванай, высокатэхналагічнай медыцынскай дапамогі». Нам не ўдалося даведацца, што гэта за паслугі.
Пастанову аб эксперыменце з платнымі медпаслугамі ў выхадныя дні апублікавалі 29 красавіка 2022 года на Нацыянальным прававым партале.
Згодна з дакументам, эксперымент пройдзе ў 18 розных медычных установах: усіх абласных шпіталях (толькі ў Гродне замест абласнога шпіталя выбрана БХМД), частцы раённых (у тым ліку ў Астраўцы Гродзенскай вобласці) і ў некаторых навукова-практычных цэнтрах.
Выбраныя медустановы будуць аказваць платныя медыцынскія паслугі ў дзяржаўныя святы, непрацоўныя святочныя дні і ў выхадныя па жаданні грамадзян. Паслугі павінны адносіцца да «планавай першаснай, спецыялізаванай, высокатэхналагічнай медыцынскай дапамогі». Выключэнні - медыцынскія паслугі дзецям і трансплантацыі органаў і тканак. Экстраная дапамога, да прыкладу, уваходзіць у аб’ём гарантаванай дзяржавай бясплатнай медыцынскай дапамогі і застанецца бясплатнай.
Пасля заканчэння эксперыменту да 1 ліпеня 2023 года Міністэрства аховы здароўя будзе аналізаваць вынікі і перадасць у Савет Міністраў свае прапановы па ўдасканаленні платных медыцынскіх паслуг грамадзянам Беларусі ў дзяржаўных установах.
В Новогрудском костеле Архангела Михаила 27 апреля торжественно открыли крипту имени святого Доминика и епископа…
Сезон работы городских фонтанов в Гродно откроют 30 апреля. С 20:00 в парке Жилибера запланирована…
О том, за что Ольга Бондарева судилась с гродненским сайтом Grodno.in, она написала сама. Причиной…
Электросварщик одного из предприятий Дятловского района строил коровник без средств защиты - фирма не укладывалась…
Гродненцы требуют от чиновников объяснить, куда исчез памятный знак, посвященный пербыванию в Гродно национального героя…
Общество с ограниченной ответственностью "Гродноин", владелец портала Grodno.in подало иск о защите деловой репутации к…