Гродзенскі дзіцячы хоспіс запрашае на дабрачынны спектакль
Арганізатарамі выступаюць ГДА “Гродзенскі дзіцячы хоспіс”, Міжнароднае грамадскае аб’яднанне ”Тэатро”, Грамадскі дабрачынны інтеэнэт рух ”Хачу дапамагчы” .
Як распавяла “Твайму стылю” дырэктарка ГДА “Гродзенскі дзіцячы хоспіс” Вольга Шульга, гэта першая спроба такога супрацоўніцтва.
Выйсці на “Тэатро” атрымалася выпадкова, праз знаёмага, які жыве ў Францыі. І ўжо праз месяц пасля віртуальнага знаёмства французскія валанцёры прывязуць у Гродна свой спектакль з інтэрактыўнамі методыкамі.
Пастаноўка будзе асабліва цікавай для дзяцей з інваліднасцю.
На думку Вольгі Шульгі, гэта падзея не толькі для Гродна, але і для ўсёй Беларусі.
Арганізатары дабрачыннага мерапрыемства ставяць перад сабой 2 мэты: парадаваць дзяцей незвычайным відовішчам і сабраць грошы праз выставу-продаж велікодных вырабаў гадаванцаў Гродзенскага дзіцячага хоспісу.
Такія дабрачынныя кірмашы ўжо дапамаглі рэалізаваць адну мару гарадзенскіх дзяцей з абмежаванымі магчымасцямі: праз 3 тыдні група дзяцей выправіцца ў знакаміты аквапарк у Друскеніках.
Дабрачынны спектакль у Музеі гісторыі рэлігіі пройдзе 5 красавіка ў 18 гадзін.
Здымак з асабістай старонкі “Тэатро” у facebook
Уваход вольны.