![](https://dzh7f5h27xx9q.cloudfront.net/styl/images/cms-image-000029890.jpg)
Гарадзенская “Алімпія” стала чэмпіёнам Беларусі!
Нагадаем, што гарадзенкі выйгралі першыя дзве гульні фінальнай серыі на сваёй пляцоўцы.
Перад сустрэчамі ў сталіцы адразу некалькі баскетбалістак каманды захварэлі. Кіраўніцтва клуба звярталася да супернікаў з просьбай перанесці гульні, аднак тыя не пайшлі на сустрач.
У выніку мінская каманда параўняла лік у серыі, двойчы перамогшы на мінулых выходныя гарадзенак.
У рашаючай сустрэчы, аднак, дзяўчаты Аляксандра Шымковяка даказалі, што яны – лепшыя ў краіне!
“Алімпія” перамагла з лікам 70-62. Самай выніковай у складзе нашай каманды стала Надзея Дрозд, на рахунку якой 33 ачкі.
Хто яшчэ сёлета заваяваў альбо можа заваяваць медалі?
Чэмпіёнамі Беларусі сёлета ўжо сталі хакеісты “Нёмана” і валейбалісткі “Нёман-ГрДзУ”.
Добрыя шансы як мінімум на срэбраныя медалі маюць баскетбольны “Гродна-93” і гандбольная “Гараднічанка”.
За бронзавыя медалі мужчынскага валейбольнага чэмпіянату змагаецца “Камунальнік” (лік у серыі з жлобінскім “Металургам” пакуль 2-2).
Добры старт футбалістаў “Нёмана” таксама дазваляе спадзявацца на тое, што каманда можа пазмагацца за медалі чэмпіянату.
Фота: “Вечерний Гродно”