Рашэннем гаспадарчага суда Гродзенскай вобласці канфіскавана партыя маку
Яе адной з гарадзенскіх фірм паставілі польскія партнёры.
Груз быў увезены на тэрыторыю Беларусі без парушэнняў, аднак утрыманне макавай саломкі перавысіла норму.
15 тысяч тон насення харчовага маку спачатку затрымалі, а цяпер канфіскавалі.
Дадатковая экспертыза пацьвердзіла наяўнасць прымешкаў – больш за 90 кг макавай саломкі.
Паводле праваахоўнікаў, гэтага дастаткова для вырабу каля 120 тысяч доз экстракцыйнага опію амаль на 10 мільярдаў рублёў.
Дзеля таго, каб абмежаваць увоз у краіну неачышчанага маку, гродзенскія праваахоўнікі прапануюць правяраць кожную партыю маку на наяўнасць прымешкаў і спыняць “брудныя” партыі.
Паводле http://belapan.by