Жыхар Гродна даручыў махляру перапрадаць у Расіі буйную партыю бульбы
“Бізнесмен” прапанаваў перапрадаваць у Расіі па выгодных коштах бульбу.
Ад пацярпелага патрабавалася толькі здабыць бульбу, а ўсё астатняе партнёр браў на сябе.
Злачынца выйшаў на жыхара Гродна праз знаёмых. Ён добра пралічыў сітуацыю і меркаваў, што яго не знайдуць.
Дзеля перамоваў з ахвярай ён спецыяльна набыў тэлефон і сім-картку, ад якіх пазбавіўся, як толькі апынуўся на тэрыторыі Расіі.
На фуру махляр прыкруціў нумары, скрадзеныя з іншага аўтамабіля.
Грошы ўладальніку бульбы злачынца абяцаў перадаць пазьней, калі рэалізуе ўвесь тавар. Таму той спачатку не хваляваўся, і толькі калі зразумеў, што стаў ахвярай махляра, звярнуўся ў міліцыю.
Аператыўнікі вызначылі асобу падазраванага.
Гэта 43-гадовы кіроўца з Віцебску.
З-за яго пацярпелы страціў 64 мільёны рублёў.
Паводле http://uvd.grodno.by
Здымак http://autop.by