Пачалася рэгістрацыя на “Гонкі за птушкамі”
У Х-ым Адкрытым чэмпіянаце Беларусі па спартыўнай арніталогіі могуць удзельнічаць каманды з 4 чалавек, з якіх хаця б двое павінным быць старэйшымі за 18 гадоў.
Іншых абавязковых патрабаванняў да ўдзельнікаў няма.
З 6 да 18 гадзін 7 верасня чальцы каманды будуць назіраць за птушкамі ў абраных імі самімі месцах, перасоўвацца можна на любых транспартных сродках, але ўсім разам.
Цягам 12 гадзін спаборніцтваў каманда фіксуе ўсе пачутыя альбо ўбачаныя ў прыродных умовах віды дзікіх птушак.
Перамога дастанецца той камандзе, якая зарэгіструе найбольшую колькасць птушак.
Удзел можа прыняць кожны ахвотны, у тым ліку бёдуотчары-замежнікі. Для гэтага трэба падаць у Сакратарыят АПБ заяўку (па электроннай пошце [email protected] і копію заяўкі накіраваць на [email protected]), у якой павінны быць пазначаныя:
– Назва каманды;
– Склад каманды (імя і прозьвішча 4 чалавек, абавязкова пазначыўшы капітана каманды; для чальцоў, маладзейшых за 18 гадоў пасля іх прозьвішчаў неабходна ў дужках пазначыць іх узрост);
– Месца старту;
– Нумар мабільнага тэлефону для сувязі з камандай.
Падрабязныя патрабаванні да правядзення назіранняў – тут .
Выява http://www.ptushki.org