Смаргонскія памежнікі затрымалі 12 нелегалаў-уятнамцаў і двух грузін
Нелегалы патлумачылі, што накіроўваліся ў Еўрасаюз у пошуках лепшага жыцця.
Пра групу невядомых азіяцкай знешнасці памежнікам паведамілі мясцовыя жыхары.
У 700-х метрах ад мяжы ў раёне в.Баяры затрымалі восем уятнамцаў.
Праз некалькі гадзін на рознай адлегласці ад мяжы знайшлі яшчэ чатырох азіятаў-нелегалаў.
Роўна год таму, 27 жніўня 2012 года, гродзенскія памежнікі затрымалі адразу 36 нелегалаў з Уятнаму (на здымку).
На фоне няспыннай плыні нелегальных мігрантаў, смаргонская памежная група шукае перакладчыка з уятнамскай мовы на рускую, паведаміў БелаПАН памочнік начальніка памежнай групы Аляксандр Колабаў.
Здымак http://gpk.gov.by