Пьяная жанчына без правоў везла дачку на няспраўным мапедзе
Увагу інспектараў ДАІ прыцягнуў мапед, які ўвечары рухаўся з выключанымі светлавымі прыборамі.
Парушальніка дагналі і спынілі.
Аказалася, мама везла дачку-першакласніцу.
Жанчына сама прызналася, што пасведчання кіроўцы не мае, а светлавыя прыборы не працуюць.
Супрацоўнікі ДАІ адчулі ад парушальніцы пах спіртнога.
Жанчына патлумачыла і гэта: выпіла піва, адзначыўшы такім чынам сканчэнне ўборкі бульбы.
Акрамя таго высветлілася, што жанчына павінна была прысутнічаць на тым самым сходзе, з якога вярталіся інспектары ДАІ, але не пайшла, патлумачыўшы “уборка бульбы важнейшая”.
Гэтым разам маці акрамя дрэннага прыкладу ніякай шкоды свайму дзіцяці не зрабіла.
А ў Лідзе некалькі дзён таму з-за пьянай маці пацярпела 1,5-месячнае дзіця.
Жыхарка Ваўкавыскага раёна, узяўшы немаўлятка, прыехала да брата ў аграгарадок Крупава пасварыўшыся з мужам.
Паспела выпіць 200 грам гарэлкі, калі патэлефанаваў старэйшы сын і папрасіў вярнуцца.
Жанчына села за руль Opel Ascona, паклала немаўля ў калысцы на задняе крэсла і паехала.
У Лідзе, у раёне Маладзёжнага, дзіця заплакала, маці павярнулася да яго і не паспела затармазіць перад спадарожным Peugeot, які прапускаў машыну на галоўнай дарозе.
Opel з’ехаў у кювет – люлька звалілася з крэсла.
Маці і дзіця хуткая дапамога завезла ў шпіталь.
На шчасце, абыйшлося без сур’ёзных пашкоджанняў.
Паводле http://gaigrodno.by , http://lidanews.by