Паехаў, але абяцаў вярнуцца…

|

Цімур, кажуць, што ты пакінуў Нёман”. Што паслужыла прычынай?

 

Так, я з’ехаў. Але з’ехаў з-за вучобы, мне трэба здаць сесію. Адукацыя вельмі важна для мяне, таму і я так вырашыў.


Ты толькі што замацаваўся ў аснове “Нёмана”, і тут ад’езд – ці не цяжка на душы?

 

Цяжка – не цяжка, але паўтаруся, што для мяне вучоба таксама важная.


Ёсць верагоднасць таго, што ты вернешся ў “Нёман”?

 

Ёсць, але невядома, здарыцца гэта ці не і калі. Таму што вучыцца мне – да канца года. Пакуль я не гатовы дапамагчы камандзе. Што будзе далей, пакажа час.

Дэбют Каліжанава – 07.07.2013. Тады “Нёман” гуляў з “Мiнскам” і саступіў з лікам 0:2. Пасля дэбютнага матчу, Каліжанаў выходзіў у чатырох наступных гульнях.


Ці засталося ў цябе якое-небудзь пагадненне з клубам аб тваім вяртанні?

 

Толькі вуснае. Больш нічога сказаць з гэтай нагоды не магу.


Значыць, мы можам разлічваць на тваё вяртанне?

 

Мы можам толькі на гэта спадзявацца.


Можа, паступалі якія-небудзь прапановы ад расійскіх каманд?

 

Ніякіх прапаноў, у дадзены момант я проста вучуся.


Як форму падтрымліваеш?

 

Вучоба адымае шмат часу. Але атрымліваецца на гадзінку-другую схадзіць у трэнажорны зал. Па раніцах і вечарах знаходжу час пабегаць. Пакуль гэтага хапае.


Чаго табе цяпер не хапае?

 

Шчыра кажучы, не хапае самой абстаноўкі футбола. Моцна сумую па хлопцах, па камандзе. Але на дадзеным этапе я зрабіў свой выбар. Што будзе далей – паглядзім.